Атмабаев иш сафари билан Хитойга кетди
Президент матбуот хизматининг хабар беришича, президент Алмазбек Атамбаев иш сафари билан Хитойга учиб кетди. Сафар давомида Атамбаев Хитой раҳбари СИ Цзиньпин билан учрашади. Учрашувда давлат раҳбарлари қирғиз-хитой муносабатларини янада ривожлантириш ва икки томоннинг қизиқтирган халқаро ва минтақавий масалаларни муҳокама қилишади.
Президент аппарати ахборот сиёсати бўлими бошлиғи Олмос Усенов, Алмазбек Атамбаевнинг Хитойга қиладиган сафарида журналистлар ҳамроҳлик қилмаслигини маълум қилди.
Унинг сўзларига кўра, делегация таркибига журналистларни киритмасликка қарор қилинган.
“Ташриф икки кун давом этади. Алмазбек Атамбоев хитойлик ҳамкасби Си Цзиньпин билан учрашув ўтказади. Унда икки томонлама муносабатларни ривожлантириш ва чуқурлаштириш ҳақида фикр алмашилади”,- деди Олмос Усенов.
Бунга қадар Алмазбек Атамбаев Хитойга қиладиган сафарида Хитой-Қирғизистон-Ўзбекистон-Эрон темир йўл қурилишига боғлиқ масалалар муҳокама қилиниши билдирилган эди.
