Ҳалаблик иффатли қизнинг мактуби
Ҳалаблик иффатли муслималардан бири Ислом умматининг уламоларига ҳамда Ислом ўлкаларининг етакчиларига мактуб йўллади. Ижтимоий тармоқлар орқали тарқалган ва Умматнинг етакчиларига, турли шаръий гуруҳларга, умматнинг ақидавий ғамлари билан дардланаётганлигини даъво қилаётган кишиларга қаратилган мактубда ҳалаблик муслима қиз шундай ёзади:
“Мен яқинда душман босиб олиши кутилаётган Ҳалаб шаҳрининг қизларидан бириман. Бу ерда ўзларини ватан жангчилари деб атайдиган ваҳшийлардан бизларни ҳимоя қиладиган қурол-яроқ ҳам, эркаклар ҳам қолмади. Сизлардан ҳеч нарса истамайман, ҳатто дуо ҳам истамайман. Ҳануз гапиришга тоқатим етар экан, ўйлайманки, менинг дуойим сизларнинг гап-сўзларингиздан афзалроқдир. Сиздан ягона истагим шуки, мен ўлганимдан сўнг ўзларингизни Аллоҳнинг ўрнига қўйиб, мен борaдиган жой ҳақида фатво чиқаришга уринманг.
Мен бироздан сўнг ўз жонимга қасд қиламан! Сизнинг мен ҳақимда “жаҳаннамга кетди” дейишингизнинг мен учун заррача эътибори йўқ. Мен ўз жонимга қасд қиламан! Чунки мен энди отамнинг уйида ортиқ қола олмайман. Отам ортида қолдириб кетаётганлар ҳақида қайғуриб вафот этган эди.
Мен бошқа нарса учун эмас, фақат бир неча разил-пасткашлар танамдан лаззат олмаслиги учун ўз жонимга қасд қиламан. Улар шу вақтгача Ҳалабнинг номини ҳам тилга олишга журъат қила олишмас эди.
Мен ўз жонимга қасд қиламан! Чунки Ҳалабда қиёмат қоим бошланди. Бундан кўра ёмонроқ жаҳаннам бўлмаса керак деб ўйлайман.
Мен ўз жонимга қасд қиламан! Шуни биламанки, сиз менинг жаҳаннамга равона бўлганлигим ҳақида фатво чиқаришни бошлайсиз. Сизларни бирлаштирган ягона нарса бир қизнинг ўз жонига қасд қилишидир. У сизнинг онангиз эмас, қизингиз ҳам эмас, аёлингиз ҳам эмас, сиз учун унчалик муҳим бўлмаган бир қиз холос.
Сўзимнинг охирида шуни айтмоқчиманки, сиз чиқарган фатво мен учун худди ҳаётим каби заррача қадр-қиймати йўқ. Сиз бу фатвонгизни ўзингиз ва оилангиз учун сақлаб қўйинг.
Мен ўз жонимга қасд қиламан! Сиз ушбу хабарни ўқиётган бўлсангиз, билингки мен буларнинг барчасига қарамай, покиза ҳолда ҳаётдан кўз юмган бўламан.
