Россия Ислом қўмитаси раҳбари Ҳайдар Жамол вафот этди
Россия жамоат арбоби, Россия Ислом қўмитаси раиси, “Россия исломий мероси” жамоат қўмитаси раиси Ҳайдар Жамол 70 ёшида Олмаота шаҳрида вафот этди.
“Албатта, барчамиз Аллоҳникимиз ва албатта, барчамиз Унга қайтгувчидирмиз” [Бақара 156]
Ҳайдар Жамол Россиянинг энг таниқли ислом уламоси ва файласуфларидан бири эди. У Москва давлат университетида “Анъана ва ҳақиқат” мавзусидаги маърузалар курсини ўқиб эшиттирган, ўз умрини Ислом дини муҳофазаси ва мусулмонлар ҳақ-ҳуқуқларини ҳимоя қилишга бағишлаган жонкуяр бир мусулмон эди.
Биз, Раҳимли Аллоҳдан Ҳайдар ЖамолниЎз раҳматига олишини, гуноҳларини мағфират қилишини, жаннат кенгликларида пайғамбарлар, сиддиқлар ва шаҳидлар билан бир сафда қилишини сўраб қоламиз.
Ўз навбатида унинг ўғли Орхан Жамолга, оила аъзолари сабру жамил тилаб, уларга ва ҳаётининг сўнгги дақиқаларигача уни тарк этмаган содиқ дўстларига ўзимизнинг чуқур таъзиямизни изҳор этамиз.
“Албатта, Аллоҳ сабр қилгувчилар билан биргадир [Бақара сураси, 153-оят]
Туркистон таҳририяти