Россия Ўзбекистоннинг асосий стратегик ҳамкори
Ўзбекистон мудофаа вазири, генерал-полковник Қобул Бердиевнинг сўзларига кўра, Россия Ўзбекистон учун асосий стратегик ҳамкор ҳисобланади. У россиялик ҳамкасби Сергей Шойгу билан учрашувида шундай фикрни билдирган.
“Бизни Россия билан жуда кўп нарса боғлаб туради. Айтиш мумкинки, боғлаб туради эмас, балки биз қандайдир бўлинмаганмиз. Балки, ўзаро ҳамкорлигимиз унчалик ҳам фаол бўлмаган даврлар бўлгандир, бироқ, биз ҳар доим Россия билан биргамиз, Россия биз учун асосий стратегик ҳамкордир”,- деди Бердиев.
У шунингдек, 2012 йилдан эътиборан тўхтатиб қўйилган ўзбек офицерлари ва курсантларига Россия ҳарбий ўқув билим юртларида таълим берилишининг қайта бошланиши муносабати билан Сергей Шойгугу миннатдорчилик билдирди.
Бундан аввалроқ, Ўзбекистон ва Россия мудофаа вазирларининг учрашувида икки давлат ўртасида ҳарбий-техник ҳамкорликни ривожлантириш бўйича шартнома имзоланган эди.
