Лукашенко ўзига нисбатан танқидларга жавоб қайтарди
Белоруссия президенти Александр Лукашенко Туркия президенти Ражаб Тоййиб Эрдуғон билан бирга Минск шаҳрида бунёд этилган Жомеъ масжидининг очилиш маросимида иштирок этди. Масжид ходимлари мулозимларга туҳфа тариқасида Қуръони Карим нусхасини тақдим этдилар. Шу заҳоти Лукашенко Китобни қўлга олиб миннатдорчилик билдирган ҳолда, уни ўпди. Айнан мана шу кўриниш одамлар орасида улкан шов-шувларга сабаб бўлди. Лукашенко ўзига нисбатан айтилган танқидларга жавоб тариқасида фикр билдириб, Қуръани Каримни ўпишлиги сабабларига изоҳ берди.
Лукашенконинг гапларига кўра, у ҳаммага баробар, яъни барча фуқароларнинг президенти ҳисобланади. Зеро мамлакат аҳолисининг аксар қисми мусулмонлардан ташкил топган ва президент барча динларга чуқур эҳтиром билан қарайди.
Пайшанба куни Минск шаҳридаги матбуот анжуманида иштирок этган Лукашенко журналистларнинг саволларга жавоб бериб, жумладан «Орқаваротдан менинг номимга турли асоссиз танқидлар кенг тарқалган эмиш. Мен Қуръонни қўлимга олиб, уни ўпдим. Айнан шу кўриниш айримларга ёқмаган кўринади. Биз Эрдуғон билан масжиднинг очилиш маросимида иштирок этдик. Эрдуғонга Қуръон ҳадя этишди, у ҳурмат кўрсатиб, Китобни ўпди. Хўш мен нима қилимшим керак эди? Мен ҳам у қилган амални такрорладим» деди.
ТАСС ахборот агенлиги Лукашенконинг гапларини иқтибос тариқасида келтиради : -«Айрим кимсалар мени диндан қайтди деб гумон қилишаётган бўлса керак, яъни гўё мен «хочни улоқтириб», бошқа динга ўтиб кетган эмишман. Йуғе, хеч кимса мендан «хочимни ечиб» юборгани йўқ.
Лекин мен президентман ва менинг юртимда минглаган мусулмонлар истиқомат қилишади. Ҳамма қатори мен уларга ҳам юртбошчи ҳисобланаман. Мусулмонлар шу пайтгача бирор муаммо келтириб чиқармаган ва улардан бирор ёмонлик кўрмаганмиз».
Президентнинг таъкидлашича айни дамда Белоруссияда мусулмонлар, аҳли насоро, католиклар орасида қарама-қаршиликлар йуқ, давлат қонуни бўйича ирқидан, миллтидан қатъий назар барча дин вакиллари тенг ҳуқуқли ҳисобланади.
Туркистон
Марказий Осиё раҳбарлари диктаторликда ким ўзарга ўйнамоқдалар. Бу йўлда ҳатто тафаккурни ҳам умуман четга суриб қуйишди. Ҳатто кофир давлатларнинг раҳбарлари қилишдан ор қилган калтафаҳмликлари билан инсонийлик даражасидан пастга қулаб бормоқдалар. Бунинг устига сарой уламоларидан ташкил топган бир гуруҳ лаганбардорлар, ҳукумат қонунига Шариат ҳукмларини мувофиқлаштиришга тап тортмай журъат этмоқдалар.
Ўтмишда Венесуела президенти Уго Чавес деган шахс, узоқ йиллар давомида мамлакатни бошқарди ва халқининг чуқур эҳтиромига сазовор бўлиб, умр кечирди. У Исломдан узоқ бўлган, Шариат ҳукмига амал қилмаган бир даҳрий инсон эди. Бироқ у ўз фуқароларини қандай бошқариш керак эканлигини теран тушуниб етган эди. Фуқароларининг дардларига шерик бўлиб, меҳрибончилик қилиб, яхши ёмон кунларида улар билан елкама-елка юрганлиги боис халқ унга қаттиқ боғланиб қолган эди. Унинг ўлимидан мамлакат аҳли чуқур қайғуга ботди. Ҳолбуки у бир ғайридин инсон эди.
Аммо минг афсуски Марказий Осиё давлатлари раҳбарлари ўзларининг гўлликлари ва калтафаҳмликлари билан халқнинг муҳаббатига эмас, адоватига сазовор бўлмоқдалар. Улар шунчалар калтабин инсонларки, ҳатто ҳийла ишлатиб бўлса ҳам, мамлакатни бошқаришни билмайдилар.
Ақалли Эрдоганга ўхшаб ёлғондан кўз ёши тўкиб, халққа ёқадиган сўзларни гапиришни ҳам билмайдилар. Улар мансабларига жон-жаҳдлари билан тирмашиб олиб, ўзларини, гўё бу ҳаёти дунёда абадий қоладигандек тутишади. Дарвоқеъ Шайтон уларга узун орзуларни сингдириб, яхши келажакни ваъда бериб алдаб қўймоқда.
Аллоҳи Таоло айтади:
لَهُمْ قُلُوبٌ لَّا يَفْقَهُونَ بِهَا وَلَهُمْ أَعْيُنٌ لَّا يُبْصِرُونَ بِهَا وَلَهُمْ آذَانٌ لَّا يَسْمَعُونَ بِهَا ۚ أُولَٰئِكَ كَالْأَنْعَامِ بَلْ هُمْ أَضَلُّ ۚ أُولَٰئِكَ هُمُ الْغَافِلُونَ
—Уларнинг диллари бору англай олмайдилар, кўзлари бору кўра олмайдилар, қулоқлари бору эшитмайдилар. Улар чорвалар қабидирлар, йўқ улар (бефаҳм, беақлликда) чорвалардан ҳам баттардирлар. Ана ўшалар ғафлатда қолган кимсалардир. Аъроф : (179)
Юқоридаги Белорус раҳбарининг хатти-ҳаракатларидан ҳар қандай инсон таъсирланиши аниқ. Лукашенко мусулмон эмас, аммо шундай бўлсада, у биргина ҳаракати билан халқ орасида ўз обрусини орттира олади. Бундан уч йил муқаддам у Белоруссия парламентида нутқ сўзлаб, Яқин Шарқдаги тобора авжига чиқаётган уруш алангаларига нисбатан ўз фикрини билдирган эди.
“Ҳозир баъзи давлатлар ўз салтанатларидан фойдаланган ҳолда мусулмон юртларига бамайлихотир дахл қилишмоқда, бостириб киришмоқда. Бу эса оқибати ёмон бўлган жуда ачинарли ҳолат. Зеро таъкидлаб ўтиш жойизки, мусулмонлар табиатан қизиққон ва ору номусли инсонлардир. Агар уларнинг даври келса, ўзларига зулм қилган ва ҳаққини поймол қилган бирор бир кимсани жазосиз қолдирмайдилар”, деган эди ўшанда Лукашенко.
Мунаввара – Ҳизб ут-Таҳрирнинг матбуот бўлими аёллар қисмининг аъзоси
