بسـم الله الرحمن الرحيم
Қирғизистонни қандай келажаклар кутмоқда
Парламенгдаги коалицияни тарқалиб кетиши ва янги коалициянинг ташкил топилиши билан баъзи депутатлар келажакда босимларга учрашидан хавфсираб, ҳукуматнинг шу кунгача қилиб келаётган айбларини бар қанчасини очиб ташлади. Унда йўл қурилиши, мактаб соҳасидаги ишлар, уларга баюжетдан пул ажратижга жавобгар бўлган комиссиянинг жавобгарлиги, соғлиқни сақлаш вазирлиги, врачлар, йилига минглаган гудакларнинг нобуд бўлиши, милиция ҳодимларининг қилган жиноятлари, улардаги пораҳўрликлар, уларнинг босқинчилик ишлари, раҳбарларининг бундаги жавобгарликлари, аварияларда ҳалок бўлган ва жароҳатланган инсонлар, қишлоқ ҳўжалик маҳсулотларининг четдан келиши, ҳатто памидор, картошка, олма, ҳамда сут маҳсулотлари ҳам четдан кириб келиши билан Қирғизистоннинг қишлоқ ҳужалиги умуман шол ҳолга келиб қолишидан ҳадикда эканликларини ва иш ўринларининг йилдан йилга камайиб кетаётганини айтиб ўтишди. Бу ишларда президент ҳукуматни ва ундаги кадрларни бевосита ўзи тайинлаётган инсонлар келгани сабабли ҳамма ишдан ўшалар жавобгар деб президентга савол маъносида юзланишди; қаёққа қараяпсизлар? Нима билан шуғулланмоқдасиз?
Буларни айтишлари билан янги ҳукуматга, хоссатан Атамбаевга; бизга қиладиган босимларингни ўйлаб қилинглар, акс ҳолда ишни бошқа томонга буриб юборамиз деб огоҳлантирган бўлди. Халқ олдида эса, ўз халқига куюнган, уларнинг дардларини тушунадиган, келажаги учун жонкуяр қаҳрамонларга айланишларини мақсад қилишди. Ҳукуматдан қувулган аввалги “шаввозлар” ҳам секин қўзғала бошлашди. Улар яна халқ тепасига қайтишларига умид боғлашмоқда.
Аслида президент бош бўлиб ҳукумат нима билан шуғулланаётгани уларга жуда аниқ, ҳатто улар ҳам бу ишнинг ичида. Улар ўз фойдаларига келганда халқни умуман уйлашмайди, ҳатто қонунни ҳам бузишлари одатий ҳол. Бироқ қонун эгалари, яъни депутатлар ўзаро келиша олмай қолишганда, ҳар бири конститутцияни рукач қилиб, ўз манфаатини ҳимоя қилади. Шундай вақтда кучлироғи конститутцияга ўзгартириш киргизиб бўлса ҳам, ўз мақсадларига етишни хоҳлашади. Шу боис президент конститутцияга ўзгартириш киритиб бўлса ҳам, ўзи хоҳлагандек иш қилишни, яъни ҳукуматга келишда Рассия олдида бўйнига олиб қўйган вазифаларини адо қилишни ва у томонидан ўз ўрнида қолиш учун қилинаётган ваъдаларга эришишни кўзлаб иш юритади. Конститутцияга ўзгартириш киритмай туриб, бу мақсадларга эришиши мумкин эмас. Шунинг учун келгуси ойга референдум ўтказишни белгиланди. Лекин бунга овоз бериш ҳам одатдагидек, калбаки бўлиб, яхши натижалар билан ўтганлиги эълон қилинади ва бунга қарши бўлганлар учун шароитлар тораяди, тазйиқлар, қувғинликларга дучор бўлиши эҳтимоли бор. Шунинг учун қарши томон олдини олиб, ҳукуматнинг камчиликларини эслатиб ўтмоқда. Агар биз билан ҳисоблашмасанг, биз бошқа йўлга ўтамиз, деб огоҳлантиришмоқда. Халқ олдида ўзларини қаҳрамонлар қилиши эса қуруқ гап. Уларга мансаб берилса ёки ўзларига озгина таҳдид бўлса, бу гаплар ҳам тўҳтайди. Бундай бўлишлигини биз аввалдан айтиб келамиз. “Ҳизбий уюшма” деган китобимизда қуйдагича келган:
“…Шунга қарамасдан, у ўз юрти учун чинакамига қўзғалмайди ва халқи учун ўзини бутунлай фидо қилмайди. Чунки у ўз атрофидаги вазиятларни фикран сезмайди ва халқ эътиёжларини фикран ҳис қилмайди. Фаразан у қўзғалиб, уйғониш(халқнинг тарақиёти)ни талаб қилса ҳам, бу унинг шахсий манфаатларига зарар етганидан юзага келган ёки бошқа халқларнинг қўзғолонларига тақлид бўлган қўзғалиш бўлади. Шунинг учун унга мансаб берилиши ёки унинг талаблари қондирилиши билан унга етаётган зарар йўқолган пайтда қўзғалиш ниҳоясига етади. Шунингдек, қўзғалиш шахсияти ва манфаатларига зид келган пайтда ёки бу қўзғалишдан ўзига озор етган пайтда ҳам унинг қўзғалиши ниҳоясига етади”.
Биз бу ҳақиқатга жуда кўп гувоҳ бўлмоқдамиз. Росулуллоҳ(с.а.в):
«لاَ يُلْدَغُ المُؤْمِنُ مِنْ جُحْرٍ وَاحِدٍ مَرَّتَيْنِ»
«Мўмин битта тешикдан икки марта чақтирмайди», деб, бир марта ишониш мумкин, алдангандан кейин ҳам ишониш мўминнинг иши эмас демоқда. Бу ҳадисни Бухорий чиқарди.
Абу Зар.
