Суриялик шифокорнинг фарёди: Талбиса йўқ қилинмоқда, мусулмонлар қаерда қолди?!
Сурияда Асад кучлари ва Россия самолётлари тарафидан уюштирилган ҳаво ҳужумлари ортидан Суриянинг Талбиса шаҳрида фаолия юритиб келаётган бир шифокор дунёга мурожаат йўллади. Шифокор ўзининг видео мурожаатида Сурияда содир этилаётган ваҳшийликларга нисбатан бутун Ислом оламини бефарқликда айблади.
“Сурия тинимсиз ҳужумга тутилмоқда. Талбиса шаҳри аҳолиси портловчи бочкалар, ракеталар ва парашютли бомбалар билан ҳалок этилмоқда. Мусулмонлар қаерда қолди? Қани бизнинг олимларимиз? Харқаро ҳамжамият қаёққа қараяпти? Биз улардан асло рози эмасмиз”, дейди бутун Ислом оламига YouTube видео порталида жойлаштирилга видео лавҳа орқали мурожаат йўллаган шифокор.
Маркази Лондонда жойлашган Сурия инсон ҳуқуқлари обсерваториясининг маълумотига кўра, Ҳомснинг 13 километр шимолида жойлашган Талбиса шаҳрида амалга оширилган қирғинларда жабр кўрганларнинг асосий қисми ёш болалардир. Уларнинг орасида чақалоқлар ҳам борлиги айтилмоқда.
Сурия режими эса ҳужумларда ҳалок бўлаётганларнинг аксарияти ёш болалар ва аёллардан иборат бўлишига қарамай, безбетларча уларнинг барчасини террористликда айблаб келади. Ўз навбатида Россия ҳам Сурияда уруш жиноятини амалга ошираётганини рад этиб келмоқда. Кремлнинг даъвосига кўра, “террорчилар” оддий аҳолининг ичига кириб яшириниб олган. Шунинг учун бутун шаҳар ҳужумга турилмоқда
“Террористларнинг оддий инсонлардан жонли қалқон сифатида фойдаланишига изн бера олмаймиз”, дейди Франциянинг ТВ1 каналига интервью берган Россия президенти Владимир Путин.
