Товламачилик билан шуғулланиб келган милиция ходимлари қўлга олинди
Қирғизистон ИИВ матбуот хизматининг хабар қилишича, милиция ходимлари сафидан товламачилик ва талончилик билан шуғулланиб келган гуруҳ қўлга олинди.
Хабар қилинишича, ИИВ шахсий таркиб хавфсизлик хизматига бир неча фуқаро ариза билан мурожаат қилган. Ҳозирда жиноятчи сифатида қўлга олинган гуруҳга нисбатан Чуй вилояти покуратураси томонидан мансаб ваколатидан ғаразли мақсадда фойдаланиш, товламачилик ва талончилик моддалари бўйича жиноят иши қўзғатилди.
ИИВ шахсий таркиб хавфсизлик хизмати мазкур гуруҳнинг фуқароларни жиноий жавобгарликка тортиш билан қўрқитиш мақсадида уларга гиёҳванд моддалар ташлаб қўйиб товламачилик ва талончилик билан шуғулланиб келнганлигини аниқлади.
2016 йил 24 сентябр куни Бишкек шаҳрида ўтказилган тезкор-қидирув тадбир вақтида мазкур жиноятларни содир этиб келган гуруҳнинг фаол аъзолари, Аламудун тумани ИИБ ходимлари А.А., Т.ўғли А. ва С. А.лар ИИВ шахсий таркиб хафвсизлиги томонидан қўлган олинган.
“Қамоққа олинган Аламудун туман ИИБ ходимлари бундан 10 кунча олдин ички ишлар сафида хизмат қилишни бошлашган эди. Жиноят иши Чуй вилоят прокуратураси томонидан тергов қилинмоқда”,- дейилади ИИВ хабарида.
Туркистон:
ИИВ структураси СССР давридан қолган система билан иш олиб боради. Бу система ҳар бир маҳкама учун жиноий ишнинг юзини очиш бўйича муайян меъёрли шарт (план) белгилаб беради. Бу меъёрни бажаришлари учун уларнинг ҳар бирини каттиқ назорат ва муҳосаба қилиб туришади.
Жамият шиддат билан исломийлашиб бориши оқибатидан, жиноий элементлар ва ҳаракатлар йўқолиб боряпти. Кўчаларда илгаригидек маст ҳолатдаги одамлар ва бунга шароит яратиб берадиган ичкилик маросимлари ҳам камайиб бормоқда. Масжид мадрасалар тўлиб, исломий маросимлар урфга айланиб боряпти. Етакчи гуруҳ вакиллари, сиёсатчилар ва ҳатто шоу бизнес вакиллари ҳам дунёга Ислом назари билан қарай бошлаяпти.
Воқедаги бу ҳолат, яъни жамиятни исломий покланиб бориши орган ходимлари учун юқоридан план сифатида белгилаб берилган меъёрларни бажаришларида муаммолар ва сезиларли қийинчиликлар туғдира бошлади. Лекин юқоридан қўйилган талаблар жамиятнинг кетувига тамоман зид келмоқда. Чунки улар кўпроқ жиноий ишларнинг юзи очилишини талаб қилиб, ким шу ишда илғор бўлса, уларни навбатдаги юқори лавозимларга кўтарадиган механизм билан иш олиб боришяпти. Жамиятда эса аксинча, жиноий ишлар танқислиги кучайиб боряпти. Жамиятдаги бу ҳолат ИИВ иш олиб бориш системасининг мавжуд механизмини инқирозга олиб бориши мумкин.
Жамиятнинг исломийлашиб бориши ва бунинг оқибатидан келаётган поклик, ҳалоллик ва осоишталик ҳоллари ИИВ ва унинг иш фаолияти учун ҳалокатли вазият ярата бошлади. Улар жамиятда кераксиз ва аҳамиятсиз бўлиб қолишдан қўрқа бошлашди. Куч структуралари вазиятни ўз қўлларида ва назоратлари остида ушлаб қолиш учун фуқороларни жиноятларга туртиш, шантаж ва товламачилик билан уларга бўҳтон қилиб, қилмаган ишларини юклаб юборишга ҳаракат қила бошлади. Мусулмонларни террористлар деб ҳатто уларни номидан бир неча қўпорув амалиётлар уюштиришди. Наркотик савдосини ўз қўлларига олиб, бутун гиёҳванд моддалар сотувчи нуқталарни орган ходимларининг ўзлари гиёҳванд моддалар билан таъминлаб боришяпти. Негаки жамият исломийлашиб, маст қилувчи ичимликлар ва гиёҳванд моддаларни истеъмол қилувчилар ҳам, уни савдоси билан шуғулланувчилар ҳам йўқолиб боряпти. Юқоридан қўйилган мантиқсиз план кўринишидаги талаблар эса, тоборо кучайиб боряпти.
Куч структуралари аслида ҳукумат етакчиларининг ҳимоя воситаси бўлиб қолган. Ҳукумат уларни фуқороларнинг чўнтагидан боқиб келади. Шунинг учун улар орган ходимларини халқ учун ўта муҳим ва аҳамиятли эканларини исботлашга ҳаракат қилишади. Бунинг учун жиноятчилик ҳам юқори даражада бўлиши ва тоборо ўсиб кучайиб бориши керак. Аслида ҳар қандай демократик жамиятда жиноятчилик табиий равишда ўсиб бориши кутилади. Лекин, жамиятдан жиноят ва адолатсизликни табиий равишда суриб чиқарадиган Исломий муҳитнинг таъсири эса буларни ҳисоб китобига киритилган эмас. Шунинг учун улар Ислом ва уни жамиятга олиб киришга интилаётган ҳар қандай қувват билан кураш олиб боришади.
Охирги вақтларда орган ходимларига юқоридан исломий шахс ва ва жамоаларга қарши қаттик кураш олиб бориш талаби қўйилмоқда. Баъзи мансабпараст хизматчилар мусулмонларга, ҳатто муслима опа-сингилларимизга қарши бўҳтонлар асосида иш юритишмоқда. Юқоридагиларни рози қилиш мақсадида йўқ жойдан уларга ҳар хил жиноий матоҳлар ташлаб қўйишиб, Аллоҳга осий бўлишяпти. Орган хизматчиларининг ҳаммаси ҳам бу систематик механизмнинг ифлос иш олиб бориш услубларидан рози эмас. Лекин давлат миқёсида олиб борилаётган бу куфр системаси давлатнинг ҳолдан тойиши ёки қулаб бориши билан ниҳоясига етади, инша Аллоҳ.
Биз орган ходимларини бу каби ифлос ва ҳаром ишлардан бир оз тийилиб туришга чақирамиз. Чунки дунё иккига бўлиниб боряпти. Унда Ислом ва куфр бир бири билан курашяпти. Биз сизларни бир оз сабр қилишга чақирамиз. Аллоҳга осий бўлишда махлуққа итоат қилинмайди. Ҳатто махлуқ ҳар қанча юқори лавозим эгаси бўлса ҳам. Қирғизистонда сиёсий муҳит ва сиёсатчилар борган сари бузулиб боряпти. Улар сизларни ўз мақсадлари йўлида ифлос ишларда ишлатишга ҳаракат қилишади. Вазият издан чиққанида эса, сизларга ёрдам беришмайди.
Биродарлар кейин кечириб бўлмайдиган хатоларга йўл қўйманглар. Чунки куфр системасининг эгалари ҳукумат раҳбарларини, улар эса ўз навбатида сиз хизматчиларни шу жарлик томон суриб боришяпти. Сизлар Ислом чегарасидан чиқманг. Ҳар бир ўзини мусулмон санаган инсондан фақат шу позицияда маҳкам туриш талаб қилинади. Сўнг у ҳар иккала дунёда юзи ёруғ бўлишидан умид қилади.
