Тунис ва Иордания Исроилдан ўрнак олди
Босқинчи яҳуд вужуди Қуддус минтақасида Ҳизб ут-Таҳрир фаолиятини тақиқлашга ҳаракат бошлаши ортидан Тунис бош прокуротурасининг расмий нотиғи Суфён Салита Ҳизб ут-Таҳрир фаолияти Тунисда тақиқланганлигини эълон қилди. Бу ҳақида Анадолу ахборот агентлиги хабар тарқатди.
Суфён Салита матбуот вакилларига берган баёнотида Ҳизб ут-Таҳрир уюшмасининг фаолияти суд қарорига биноан бир ой муддатга таъқиқланганлигини билдирди. Салитининг таъкидлашича, Ҳизб ут-Таҳрир уюшмаси партиялар ва жамиятлар қонунларини бузганлиги учун маҳкама тарафидан шундай қарор қабул қилинган.
Айни пайтда, Ҳизб ут-Таҳрир партияси матбуот хизматининг расмий вакили Муҳаммад Ясиннинг маълум қилишича, маҳкама қарори чиқиши биланоқ ички ишлар вазирлигига қарашли полициячилар Ҳизб ут-Таҳрир уюшмасига нисбатан босқинчилик ҳаракатини бошлаб юборишган. Улар уюшманинг марказий офисларига келиб, байроқлар ва лозунгларни йиртиб ташлашган ҳамда офисга зарар етказишган.
Иордания Исроилдан ўрнак олишда Тунисдан ҳукуматидан бир неча кун ортда қолди. Иордания ҳукумати ҳам Тунис ортидан Ҳизб ут-Таҳрир фаолиятини таъқиқлаганлигини эълон қилди. Иордания Ички ишлар вазирлиги ва хавфсизлик кучлари Ҳизб ут-Таҳрирнинг намойишлари, юришлари ва конференцияларини таъқиқланганлигини эълон қилди. Мазкур қарордан келиб чиқиб Ҳизб ут-Таҳрир тарафидан “Аллоҳнинг нурини асло сўндира олишмайди” номли кампания доирасида ташкил қилинган барча намойишлар ва юришлар таъқиқлаб қўйилди.
