Туркиянинг барча вилоятларидаги катта масжидларда “Мўминларнинг Аллоҳдан бошқа дўсти йўқ”, номли Кунут дуоси тадбири ўтказилди. Жума куни Лайлатул Қодр кечасида ўтказилган тадбирда Ҳизб ут-Таҳрир бошчилигидаги мусулмонлар Исроил ва Россияга баддуо қилишди. Тадбир баъзи жойларда муваффақиятли ўтган бўлса, баъзи вилоятларда муфтиёт ходимлари ва масжид имомлари тарафидан қаршиликларга учради.
42та катта масжидда ўқилган Кунут дуоси тадбири Ҳизб ут-Таҳрир – Туркия вилояти матбуот бўлими тарафидан чиқарилган баёнот билан бошланди. Баёнотда ҳокимларнинг Ислом умматига қилаётган хиёнатлари очиб ташланар экан, Туркия расмийларининг яҳуд вужуди билан тузган келишувидан мусулмонлар асло рози бўлмаслиги таъкидланди. Исроилнинг Фаластинда амалга ошираётган қотилликлари, Россиянинг Сурияда амалга ошираётган қирғинлари бу икки давлатнинг мусулмонлар учун душман эканлигини очиқ ойдин кўрсатиб турган бўлсада, бироқ мусулмонлар ҳокимларининг улар билан дўстона алоқалар ўрнатаётгани танқид остига олинди. Тарихда Халифа Абдулҳамид, музаффар қўмондон Салоҳиддин Айюбий каби етакчиларнинг куфрга қарши тутган позициялари тилга олинди.
Баёнотдан сўнгра араб ва турк тилларида Қунут дуоси ўқилди. Барча мусулмонлар “Амин” дея дуога жўр бўлишди.