Муборак Рамазон ойи табриги
Аллоҳ Таоло айтади:
شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن كَانَ مَرِيضاً أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللّهُ بِكُمُ الْيُسْرَ وَلاَ يُرِيدُ بِكُمُ الْعُسْرَ وَلِتُكْمِلُواْ الْعِدَّةَ وَلِتُكَبِّرُواْ اللّهَ عَلَى مَا هَدَاكُمْوَلَعَلَّكُمْ تَشْكُرُونَ
“Рамазон ойидирки, бу ойда одамлар учун ҳидоят бўлиб ва ҳидоят ва фурқон(ҳақ билан ботилни ажратгувчи)нинг очиқ оятлари бўлиб Қуръон нозил қилинган. Бас, сизлардан ким бу ойга ҳозир бўлса, рўза тутсин. Ва ким хаста ёки мусофир бўлса, у ҳолда (рўза тутолмаган кунларининг) саноғини бошқа кунларда (тузалгач ёки сафардан қайтгач) тутади. Аллоҳ сизларга енгилликни истайди, сизларга оғир бўлишини истамайди. Бу саноқни тўлдиришингиз ва ҳидоят қилгани сабабли Аллоҳни улуғлашингиз учундир. Шояд шукр қилсангиз”. [2:185]
Аллоҳга ҳамд бўлсин. Аллоҳнинг Росулига, ул зотнинг оилалари, саҳобалари ва ул зот билан дўст бўлганларга ҳамда ул зотга эргашиб, йўлидан юрган, Ислом ақидасини ўзининг фикратига асос қилиб олган, шаръий аҳкомларни эса амалларига ўлчов ва ҳукмларига манба қилган зотларга салоту саломлар бўлсин.
Имом Бухорий ўзининг саҳиҳида Муҳаммад ибн Зиёд орқали ушбу ҳадисни келтирди. Муҳаммад ибн Зиёд айтади, мен Абу Ҳурайра (розияллоҳу анҳу) Набий соллаллоҳу алайҳи ва салламнинг бундай дедилар, деганини эшитгандим:
صُومُوا لِرُؤْيَتِهِ وَأَفْطِرُوا لِرُؤْيَتِهِ فَإِنْ غُبِّيَ عَلَيْكُمْ فَأَكْمِلُوا عِدَّةََ شَعْبَانَ ثَلاَثِينَ
“Ойни кўриб рўза тутинглар (рўзани бошланглар), ойни кўриб оғиз очинглар(рўзани тугатинглар), агар ҳаво булут бўлса, шаъбон ойининг саноғини тўла ўттиз кун қилинглар”.
Мана, орадан бир йил ўтиб ойларнинг саййиди ва энг файзлиси бўлган Рамазон ойи яна мехмон бўлиб келмоқда. Бу муборак ой барчаларимиз учун хайрли ва муборак бўлсин.
Бу ой аввали раҳмат, ўртаси мағфират ва охири дўзахдан озод бўлиш ойидир. Биз Меҳрибон ва Раҳимли Аллоҳдан мусулмонларнинг тутган рўзаларини, ибодатда қоим бўлишларини қабул қилишини сўраб қоламиз. Аллоҳ таоло барчамизни аввал қилган гуноҳларимизни мағфират қилишини, бизларни ўзига яқин бўлган бандалардан қилишини келаётган Рамазон хайтини рошид Халифа имомлигида адо этишни барчаларимизга насиб этсин.
Келаётган Рамазон ойи муносабати билан барча мусулмонларни яна бир бор муборакбод этамиз.
Ҳизб ут-Таҳрир Қирғизистон