«Azattyk» сайти 2 июн куни журналист Рахат Кенешованинг “Бурканган қизлар жамоатчиликни қўрқувга солишди” номли мақоласи чоп этилди
27 май куни Ўш шаҳрида Қурманжан Датқонинг хотиралаш мақсадида “Аёл кишининг Исломдаги ўрни” деб номланган йиғин уюштирилган. Шу кундан ушбу мажлисда иштирок этган қиз ва аёлларнинг суратлари ижтимоий тармоқларда кенг тарқатилиб, жамоатчиликда фикрий тортишувларга сабаб бўлаяпти.
Журналист Нарин Айипнинг ўзининг ижтимоий тармоқдаги саҳифасида “мен лол қолдим, ҳозир 21 аср бўсоғасида, қизлар ҳижобга ўраниб, юзларини ҳам тўсиб олишибди. Нима ҳижоб кийиш билан одамнинг мусулмончилиги кучайиб қоладими?”, дея ўзининг дунё қарашидан келиб чиқиб изоҳлар келтирипти. У тармоқдаги “Бу ҳолат Қирғиз жамиятини тубанликка тортиб бораяпти, жамиятимизга қўрқув олиб келаяпти”, деган маънодаги бир қатор фикрларни ҳам илова қилган.
Лекин: “биз қирғизлар мусулмонлармиз. Исломда ҳижоб фарз қилинган. Биз қизларимизни ифлос қўлларга топшириб қўймаймиз. Уларни ўз жонларимиз эвазига бўлса ҳам ҳимоя қиламиз. Ҳижобдан қўлингни торт эй Ғарб малайлари. Ярим яланғоч юрган Қирғиз қизлари билан фахрланишасанми?! Қурмонжон дотқонинг кийими ҳижоб эмасмиди!?” каби иккинчи томондаги билдирилган минглаган фикрлар четга сурилиб қолаверган.
Ғарб мустамлакачилари устимизда кучли матбуот кураши олиб боришаяпти. Улар ўзларига тобе, фақат бир томонлама иш олиб борадиган “озодлик радиоси” ва “Иймон фонди” сингари матбуот ва бир қатор малай компанияларни ишга солишаяпти. Мақсадлари: мамлакатимиздаги Исломий муҳитни парчалаб юбориш, Қадриятларимизни Исломдан ажратиб, бузуқ тушунчалар билан бизни алдап, миллатчилик ва уруғчилик каби арзимас дунёқарашлар томон буриб юбориш, Тарихимизни ҳам Исломдан узилган қуруқ миллий ёки Ғарб ҳазоратига яқин қилиб кўрсатишдир. Улар Исломдан ташқаридаги барча қатламларни ўз ҳимоясига олиб, уларга моддий ёрдам кўрсатишади. Буларнинг касофатларидан, Қирғизлар ичидан насроний секталари ва бутпараст, оташпараст, зардошлик каби ғойриисломий жамиятлар кўпайиб бораяпти. Уларнинг аъзоларини муртад бўлиб диндан воз кечишларига туртки бўлган ягона омил, Ғарппарасликка интилиш ва улар ваъда қилаётган моддий манфаатлардир. Мана шулар жамиятимизни қўрқувга солаётган қатламлар ва уларнинг нотўғри йўналишлари эмасми?!
Ҳижобланиш Ҳанафий мазҳабида ҳам фарз. Лекин аёл киши юзини ниқоб билан тўсиб олиши фарз эмас. Ҳаром ҳам эмас, балки Пайғамбаримиз (саллоллоҳу алайҳи вассаллам)нинг авлоди учун вожиб. Залда ўтирган аёллар юзларини эҳтиёт шарти билан, балки аждодим Росулуллоҳ с.а.в.га бориб тақалиб қолгудек бўлса, гуноҳкор бўлиб қолмайин деб тўсиниб олишган бўлишсачи?! Ёки номаҳрам назар тушмасин деб шунчаки суннат ёки мубоҳ деб тўсиниб олишган бўлишсачи! Бу тақводан эмасми?! Оллоҳ бу оналаримиздан, сингил ва қизларимиздан рози бўлсин. Улар биз эркаклар жонимизни фидо қилиб бўлса ҳам ҳимоя қилишимизга арзийдиган ҳолатда истиқомат қилишаяпти. Улар исломни қўлларида чўғни ушлаб тургандек ушлаб туришипти. Шу оғир кунларда улар ҳижобни жамиятга олиб киришга қаттиқ ҳаракат олиб бориш билан куфрнинг бир қанотини бўлса ҳам синдириб келишаяпти.
Жамиятнинг Ислом билан уйғониб, жонланиб бориши. Ҳар бир тармоқ эгалари ўз иш соҳаларида ёки юқоридаги қизлар сингари ижтимоий ҳаётларида, Исломдан бошқасига рози бўлмай туриши билан ифодаланади. Яъни айтайлик, медицина соҳасидаги мусулмон ходимлар ҳаром амаллардан бўлган аборт қилишдан бош тортишади. Мактаб ўқитувчилари куфрга олиб борувчи таълим ишларидан бош тортишади. Космонафтлар комсосда куфрнинг мусулмонларга карши лоиҳаларига хизмат кўрсатишга рози бўлмай қўйишади. Матбуот ходимлари ва журналистлар Ислом ва мусулмонларга бўҳтон қилувчи ва иймонларидан ажратиб юбориши мумкин бўлган мақолалар таёрлашдан бош тортишади. Ислом уламолари ҳам, исломий нусусларни куфрнинг манфаати томон буриб беришдан бош тортишади. Уларнинг ҳар бири, ҳар бир ҳаракатининг фақат исломий шаръий ҳукмга мувофиқ келишини талаб қила бошлашади. Куфрни мана шу ҳолат қўрқитади, мусулмонни эмас. Мусулмонлар биз қўрқаяпмиз дейишаётганида фақат куфрга тилёғламачилик қилишиб, тақлидан гапиришяпти. Мусулмон одам Ислом ва мусулмонлардан қўрқиши мумкин эмас!
Ибн Ваззоҳ Бакр ибн Умар ва Муъофирийдан ривоят қилади: Росулуллоҳ с.а.в: шундай дедилар:
«طُوبَى لِلْغُرَبَاءِ، الَّذِينَ يُمَسِّكُونَ بِكِتَابِ اللهِ حِينَ يُتْرَكُ، وَيَعْمَلُونَ بِالسُّنَّةِ حِينَ تُطْفَأُ»
«Ғарибларга Тубо жаннати бўлсинки, улар Аллоҳнинг китоби тарк қилинган пайтда, уни маҳкам ушлайдилар ва суннатга амал қилинмай қўйилган пайтда, унга амал қиладилар»
Исмоил ибн Абдураҳмон Собуний мана бундай ривоят қилди: Росулуллоҳ с.а.в:
«إِنَّ الْإِسْلاَمَ بَدَأَ غَرِيباً، وَسَيَعُودُ غَرِيباً كَمَا بَدَأَ، فَطُوبَى لِلْغُرَبَاءِ. قِيلَ: وَمَنِ الْغُرَبَاءُ يَا رَسُولَ اللهِ؟ قَالَ: الَّذِينَ يُحْيُونَ سُنَّتِى مِنْ بَعِدِى وَيُعَلِّمُونَهَا عَبَادَ اللهِ»
«Ислом Ғариб бўлиб бошланди, яна бошланганидек Ғарибликка ғайтади, Бас, Ғарибларга Тубо жаннати бўлсин, дедилар. Ғариблар кимлар, ё Росулаллоҳ? – деб сўралди. Мендан кейин суннатимни тирилтирган ва уни Аллоҳнинг бандаларига ўргатганлар» дедилар.
Ибн Можа Анас ва Абу Ҳурайра yдан ривоят қилган ва «Саҳиҳи Бухорий»да Абдуллоҳ ибн Масъуддан ривоят қилинган ҳадисда
«إِنَّ الْإِسْلاَمَ بَدَأَ غَرِيبًا. وَسَيَعُودُ غَرِيبًا كَمَا بَدَأَ. فَطُوبَى لِلْغُرَبَاء» قالوا: يا رسول الله من الغرباء؟ قال: «الَّذِينَ يُصْلِحُونَ مَا أَفْسَدَ النَّاسُ»
Расулуллоҳ с.а.в айтдилар: «Ислом Ғариб бўлиб бошланди, яна бошланганидек Ғарибликка қайтади, Ғарибларга Тубо (жаннат) бўлсин». «Ғариблар кимлар?» – деб сўралди. «Одамлар бузиб юборган нарсаларни ўнглайдиган кишилар», деб жавоб бердилар.
