15 май куни президент Алмазбек Атамбаев “Оналар куни” муносабати билан бўлиб ўтган йиғилишда “Қаҳрамон оналар”ни табриклаётиб, “Халқ парламенти” аъзоларини “тинчликни барқарорсизлантирувчи халқ душманлари” деб атаб, уларнинг ортида турган кучлар тўғрисида тўхталиб ўтди.
Алмазбек Атамбаев 1916-йили мамлакат шимолида амалга оширилган қирғин, Ўш ва Жалолободдаги 2010- йил июн ойидаги миллатлараро низоларни чет эл махсус хизматлар генераллари уюштирганини маълум қилди.
Атамбаев собиқ президентлар Асқар Акаев билан Қурмонбек Бакиевнинг яқин одамлари қонли тўнтаришга тайёрланиб ётганини айтиб, бунга ҳеч қачон йўл қўйилмаслигини таъкидлаб ўтди.
Президент уларнинг айрим чет эллик махсус хизмат генераллари билан алоқаларини алоҳида қайд қилиб, буни миллатга хиёнат деб жар солди. Бироқ қайси давлатнинг махсус хизмати эканини очиқ айтмади.
Алмазбек Атамбаев бунга қадар содир бўлган қонли воқеаларга ҳам уларнинг бевосита алоқаси борлигига мисол келтириб ўтди.
“Чет эллик генераллар бизнинг халқимизга ҳеч қачон яхшилик қилган эмас. Биз буни 1916- йилги воқеаларда чор империяси генералларининг ишидан биламиз. Ўша вақтда Қирғизистон шимолининг ярмига яқин аҳолиси қирғинга учраган. Шу билан бирга биз 400дан ошиқ фуқаромиз қазо бўлган 2010-йил июн воқеасида Ўш билан Жалолободда хорижий махсус хизматлар генераллари олиб борган фаолиятларини ҳам биламиз”,- деди Атамбаев.
Туркистон:
Атамбаев 1916 йилдаги Қирғиз миллатини қатағон қилган рус империяси эканини ва 2010 йилдаги Ўш воқеъаси ҳам ўша янгидан шаклланган рус империясининг ворислари ҳомийлиги остида амалга оширилганини жуда яхши билади. Буни бутун Қирғиз элитаси яхши билишади.
Қирғиз элитаси ҳам Атамбаев ҳам бу ишлардан бугунга келиб хабардор бўлиб қолгани йўқ. Балки, Қирғизистоннинг энг баланд чўққиларидан бирини Путиннинг номи билан атамоқчи бўлишаётган пайтларида ҳам уларнинг устимизда жавоб беришлари керак бўлган жирканч жиноятлари бор эканидан хабардор эдилар. Россиянинг ортидан Қирғизистонни хонавайрон қилиб, Евро Осиё иттифоқига олиб киришаётганларида ҳам, “Қирғизгаз”ни 1 доллорга Ўриснинг “газпром” компаниясига сотиб юбораётганида ҳам….. ва бошқа ўнлаган стротегик аҳамиятли корхоналарни Россиянинг ихтиёрига ўтказиб юбораётганларида ҳам, улар юқоридаги русларнинг тарихда қилган ифлос ишларидан хабардор бўлишган. Нега шу кунга келиб, руслар ёмон экан деган хулосалар айтила бошланяпти. Ахир Атамбаевни призидентликка олиб келиш учун Акаевни ва унинг ортидан Бакиевни ҳам қувиб юборишган ўша руслар эмасми?! Бакиевни қувиб чиқаётганларида ўзбек элитаси унга ён босиб юборишидан қўрқиб, русларнинг маслаҳати билан, аввал Қодировнинг командаси билан ўша вақтдаги “вақтинчалик ҳукумат” ўрталарида сулҳ тузилган эди. Сўнг яна рус гениралларнинг маслаҳати билан Ўзбек элитасига ваъда қилинган 30% ҳукумат креслоларини сақлаб қолишлари учун 2010 йилдаги июнь воқеъалари уюштирилган эди. Шу билан, Қирғизистонни жанубий қисмини пойтахт қилиб эгаллаб олишни мақсад қилган Бакиев ҳукумати ўз мақсадига эриша олмай қолган.
Юқоридаги ишлар очилгудек бўлса, яъни руслар очиб юборишадиган бўлса, жуда кўп сиёсатчиларимиз юзи қора бўлишади. “Қинғир иш қирқ йилда очилади” дейилганидек, бу жирканч ишларнинг барчаси бир кун албатта очилиши муқаррар.
Муаммо шундаки: – Россия томонидан Қирғизистон мамлакати ва фуқороларининг манфаатларига улкан зарарлар етмоқда. Россия Қирғиз миллатига ва умум мусулмонларнинг манфаатларига зиёнлар келтирмоқда. Умумий мулклар чет давлатлар ёки чет эл фуқоролари ва компанияларининг шахсий мулкига деярли айланиб бўлди. Мамлакат ва халқ бошига шунча зарар ва офатлар келтириб турган вақтларда, русларнинг ифлослиги айтилгани йўқ. Аксинча, улар билан борди-келди ишлар авжига чиқиб бораверди. Ҳамкорлик, ишонч, манфаатсиз иқтисодий алоқалар, давом этаверди. Бу ҳамкорликка қаршилик қилган юзлаган мусулмонлар қамоққа олинди. Уларга куфрнинг “террорист, экстремист” деган атамалари остида айбловлар қўйилиб, эркак, аёл ва қариялар ҳам жавобгарликка тортилишди.
Аммо бугунга келиб, Россия “мен сенга олиб берган омонат креслони яхшиликча бўшат” дея бир қатор ҳаракатлар бошлади. Буни қарангки, бир кунда руслар босқинчи, ички ишларимизга аралашишаётган зўровонлар, айғоқчи гениралларнинг ҳомийлари, фитнакаш қотиллар ва Қирғиз миллатини қатағон қилган ваҳшийларга айланиб қолишди. Бу 6 миллион Қирғизистон фуқоролари манфаатларининг ҳимояси устида эмас, балки 5 ёки 10 та етакчи Қирғиз сиёсатчиларининг манфаати хавф остида қолаётганидан келиб чиқиб эълон қилинаётган қисман ҳақиқатни ўз ичига олган баёнот бўлди.
Муаммонинг асоси мана шунда, яъни биз салтанатни ишониб топшириб берган етакчи сиёсатчиларимизнинг худбин, риёкор ва сиёсий популист эканликларидадир. Уларда заррача фидоийлик йўқ. Фақат халқни олдида ўзларини доҳий, ҳеч бўлмаганда тенги йўқ етакчи қилиб кўрсатишга ҳаракат қилишади. Шунинг учун улар, ҳақиқий иймон эгаларини ва ростакам фидоий сиёсатчиларни жамиятдан четлатиб, қамоқхоналарга ташлашди. У ерда ҳам бошқа жиноятчиларни кўзларидаги пардаларини олиб юборишаяпти деб, бу сиёсатчиларни алоҳида зиндонларда ушлаб туришипти. Бу бадбахт ясама сиёсатчилар ўз креслоларини шу қадар яхши кўришадики, кофир хўжайинларини рози қиламиз деб, ўз ака укалари ва опа сингиллари бўлган мусулмон сиёсатчиларига қаттиқ зулм ўтказиб келишади. Шунда ҳам, устиларидаги мустамлакачи кофир етакчилари улардан ҳар доим ҳам рози бўлавермайди. Вазиятига қараб уларни бирини бошқасига алмаштириб туришади.
