Путин олиб борган мустабид сиёсат ва Қримни босиб олинганиши ортидан АҚШ бошчилигидаги Европа давлатлари қўллаган жазо чоралари Россияни сиёсий ва иқтисодий инқироз ёқасига олиб келиб қўйди. Бунинг натижасида Россиянинг Марказий Осиё республикалари устидан бўлган таъсири заифлашиб кетди. Вақтдан унумли фойдаланган Америка эса бу минтақа устидан нисбатан бой берган мавқейини қайта тиклаш ҳаракатига тушиб қолди.
Ўз табиатига муносиб “айиқча сиёсат” юритадиган Россиядан фарқли равишда АҚШ Қирғизистонда сиёсий ва сақофий таъсир кўламини кенгайтиришга асосий эътиборини қаратиб келмоқда. Бу мақсадда АҚШ турли конференция ва тадбирлар уюштириш орқали жамият ичида Ислом ва мусулмонларга нисбатан салбий фикрларни пайдо қилиш, мусулмонларни “мўътадил”, “анъанавий”ва “радикал”ларга бўлиб ташлаш режасини амалга ошириб келмоқда. Сўнги вақтларда АҚШ ҳомилигидаги турли хил конференция, семинар ва тадбирлар ўтказиб келаётгани ҳақида хабарлар тез-тез пайдо бўлмоқда.
Шундай семинарлардан навбатдагиси Қирғизистон республикаси Мудофаа вазирлигида 11 май куни Бош штаб ва мудофаа вазирлиги бош бошқармалари учун “Ислом далиллари билан радикализмга қарши кураш” мавзусида семинар бўлиб ўтди.
Семинарда Мудофаа вазирлиги ва Бош штаб раҳбар ва зобитлари, “Иймон” фонди раиси Нуржигит Қодирбеков, Муфтиёт аттестация комиссияси раиси Замир Ракиев, МХДҚ махсус вакили ва мустақил экспертлар иштирок этишди.
Семинарда сўзга чиққан “Иймон” фонди раиси Қодирбеков ҳарбийлар хизматчиларни саводхонлиги ва диндан хабардор бўлиши жуда муҳимлигини алоҳида белгилаб ўтди.
“Бугунги кунда биз дунё қандай ўзгариб бораётганини кўриб турибмиз, терроризм ва экстремизм борган сари мураккаб кўриниш касб этмоқда. Бунда эса мафкура учун кураш биринчи планга чиқиб қолади. Биз турли хил диний оқимларни тақиқ қўйишдан воз кечиб тўғри қарор қабул қилдик. Дунё тажрибаси тақиқ қўйилиши ўз ортидан уларни яширин фаолият юритишга ва жамиятни радикаллашувига олиб келади. Шу сабабли аҳолининг барча қатлами – давлат хизматчилар, куч тузилмалари ва ҳукуматнинг бошқа вакилларини саводхонлигини оширишга катта эҳтиёж пайдо бўлмоқда. Устивор мафкурани аниқлаш ва уни маҳкам ушлаш умуҳим аҳамиятга эга. Бизда динни ривожлантириш тўғрисида концепсия мавжуд. Унда бизнинг менталитет ва тарихимизга яқин бўлгани учун Ҳанафий мазҳабининг роли аниқ белгилаб қўйилган”,- деди Қодирбеков.
Ўз навбатида аттестация комиссияси раиси Замир Ракиев, жамиятдаги замонавий одамлар Ислом номи остида таҳдидли радикал ва экстремистик фикларни кўришмоқда.
“Буларнинг барчаси Ислом номини қора қилиб кўрсатиш учун жиддий ҳаракат билан боғлиқ. Бу кучлар ҳеч нарсадан таб тортишмаяпти ва Исломни террор ва зўравонлик шакли сифатида кўрсатиш учун барча механизмлардан фойдаланишмоқда. Шу мунасабат билан бугунги воқеликни кўрсатиб бериш учун ўқув семинарлари ўтказиш зарур. Терроризм, экстермизм ва зўровонлик Ислом динига бегона эканлигини барчамиз биламиз. Ислом ҳар доим террор ва зўравонликнинг барча кўринишларини рад қилиб келган”, деди Ракиев.
