Америкада етакчи университетларда инструктор бўлиб келган ва ҳозирда Миср ва Суриядаги давлат ишлари бўйича мутахассис ҳисобланган Жошуа Стачер Миср президентининг тахти қимирлаб қолганлигини башорат қилмоқда. Стачерга кўра, ҳозирда Миср Муборакнинг давридан ҳам ёмон аҳволга тушиб қолган.
“Ас-Сиси қаергача борса борсин, у тор фикрли генераллар ичида қолди. Энди у мамлакатни барбод қилган ижтимоий-иқтисодий беқарорликдан қочиб қутула олмайди. Миср халқининг талаблари қондирилмади. Мисрликлар янги тарихда энг репрессив ҳокимият бошқаруви остида яшашмоқда. Бунинг устига, полиция томонидан қўлланаётган зўравонликлар кундалик ҳолга айланган. Ҳукумат зўравонлик билан мухолифатнинг овозини ўчириш ва номойишларни олдини олиш мумкин, деб ўйлайди. Лекин бу аҳвол зўравонлик қилаётган полиция кучларига, суд қилинмай қатл этишларга ва умумий адолатсизликка қарши кутилмаган норозилик тўлқинига сабаб бўлмоқда. Бугунги кунда ҳар бир ҳолат 2011 йилда қулатилган Муборак режимидан ҳам хавфлироқдир. Давлат жуда мўрт ҳолга келган.” дейди мутахассис Жошуа Стачер.
Айни пайда Мисрда давлат тўнтариши орқали Муҳаммад Мурсийни ағдариб, унинг тахтини эгаллаган Президент Абдулфаттоҳ ас-Сиси сўнги пайтларда инсон ҳуқуқларига нисбатан ўзига қаратилган танқидларга жавоб қайтарди. Бу ҳақида Мисрда жуда кўп сонда чоп этиладиган Ал-Аҳрам газетаси хабар тарқатди. Газетага кўра, Қоҳирада АҚШ Конгрессига қарашли ҳайъат билан учрашган ас-Сиси Ғарбдаги инсон ҳуқуқлари ва эркинликлар тарзи Миср шароитига мос келмаслигини маълум қилган.
“Ўлка ва минтақа шароитлари туфайли Ғарбдаги инсон ҳуқуқлари ва фуқаролар эркинлиги Мисрнинг талабларига мос келмайди. Мисрда инсон ҳуқуқлари ва фуқаролик эркинликларга Ғарб нуқтаи назаридан туриб қарамаслик лозим”, деди ас-Сиси.