Қирғизистон президенти Алмазбек Атамбаев 16 апрел куни терроризм ва экстермизм айблови билан озодликдан маҳрум этилган маҳбусларни қолган маҳбуслардан алоҳида сақлаш тўғрисидаги қонунни имзолаган ва бу орқали жазо муддатини ўтаб келаётган мусулмонларни қолган маҳбуслардан алоҳида сақланиши қонуний кўриниш олган эди.
Жазони ижро этиш бошқармаси матбуот хизматининг хабар қилишича, терроризм ва экстремизм моддалари бўйича озодликдан маҳрум этилган маҳкумларнинг дастлабки гуруҳи жума куни муассасалардан биридаги махсус ажратилган ҳудудга кўчирилди.
“Бугун терроризм айблови билан озодликдан маҳрум этилганларни дастлабки гуруҳи алоҳида ажратилган жойга кўчирилди. Бугунги кунда республика бўйича бундайлар 150 нафарни ташкил этади”, – дейилади хабарда.
Маълум қилинишича, бундай ҳудудлар жазони ижро этиш бошқармаси тасарруфидаги тўртта қамоқхонада ташкил этилади.
