Халқаро Амнистия ташкилоти Ўзбекистондаги Тоштурма ва Жаслиқ қамоқхоналарида ҳамда Миллий хавфсизлик хизмати ер тўлаларида қийноқлар узлуксиз амалга оширилиб келаётганлиги ҳақида ҳисобот тақдим қилди. Мазкур ташкилот қийноқларнинг асосан Ҳизб ут-Таҳрир уюшмасига мансуб мусулмонларга нисбатан амалга оширилаётганига эътибор қаратар экан, ўзбек қамоқхоналаридаги қийноқларга қарши кампания бошланганлигини ҳам эълон қилди.
Амнистия ташкилоти Каримов режими қўллаган босим ва ғойриинсоний муомалаларга оид ўзининг ҳисоботида Ўзбекистонда қамоққа олинганларга нисбатан амалга оширилган оғир қийноқлар, ҳайвоний муомалалар муаммосини ёритиши ҳақида баҳс юритади. Ташкилотга кўра, ҳукумат томонидан қўлланиладиган қийноқлар энг кўп Тошкентда жойлашган Тоштурма ва мамлакатнинг шимолидаги Қорақалпоғистон афтоном республикасида мустақиллик йилларида алоҳида қурилган ва хусусан мусулмонларнинг қамоқ лагери сифатида танилган Жаслик қамоқхонасида ҳамда Ўзбекистон Миллий хавфсизлик хизмати ер тўлаларида амалга оширилади. (Бошқа қамоқхоналаридаги қийноқлар ҳам булардан қолишмайди).
“Бу қамоқхоналарда амалга оширилган қийноқлар энг тажрибали инсон ҳуқуқлари фаолларини ҳам даҳшатга солади”, дейилади халқаро амнистия ташкилоти ҳисоботида.
Амнистия ташкилоти ўзи бошлаган кампания доирасида инсон ҳуқуқлари фаоллари ва тарафдорларидан Ўзбекистон қамоқхоналарига “Биз бу ерда амалга оширилган қийноқларни биламиз ва дарҳол бу зулмни тўхташингизни талаб қиламиз”, деган маънода мактуб юборишни талаб қилди.
Ҳизб ут-Таҳрир – Ўзбекистон матбуот бўлими Каримов режими амалга ошириб келаётган жиноятларни бир қанча йиллардан буён фош қилиб келмоқда. Унинг охирги баёнотларидан бири “Андижон жаллоди қўлида шаҳидлар карвони тўхтамаяпти”, номли баёнотида жумладан шундай дейилади.
“Навоий шаҳридаги «УЯ 64/46» колонияси мусулмон маҳбусларни ўлгунча қийноққа солиш билан ном чиқарган. Бу қамоқхона маъмурияти ифлос мақсадларини амалга оширишда бошқа жиноятчи маҳбуслардан фойдаланади. Мусулмон маҳбусларни қийноққа солиш унинг мақсадларидан биридир. Шу тарзда биродаримиз Маҳмуджон қамоқда узоқ йиллар қийноқлар, хорлашлар, моддий ва маънавий босимлар остида ётди… ва ниҳоят шаҳид бўлди. Биз уни шундай деб ҳисоблаймиз, лекин ҳеч кимни гуноҳдан пок, деб Аллоҳга даъво қилмаймиз.
2016 йил 3 феврал куни Маҳмуджон Ҳасановнинг оиласи биродаримизнинг покиза жасадини қабул қилиб олдилар… Унинг танасида шафқатсиз қийноқ излари яққол кўриниб турарди. Каримов режими ўз жиноятларига одамлар гувоҳ бўлиб қолмасликлари учун Маҳмуджоннинг жасадини ярим тунда олиб келишди ва қариндошларини ҳам, ошна-оғайниларини ҳам хабардор қилмасдан тезроқ дафн қилишга буюришди. Шаҳид оиласи унинг муаттар танасини ўн нафар милиция ходимлари кузатуви остида тупроққа қўйишди…”.
Манба “Dünya Bülteni”
