Обама: Ислом замонавийлик билан мослаштирилмас экан, исломий терроризм муаммосини тубдан ҳал этиб бўлмайди
The Atlantic журнали Жеффри Голдбергнинг Обама билан қурган узоқ вақтли суҳбатини нашр қилди. Жеффрига кўра, Обама 2009 йил Қоҳира университетида қилган нутқидан кўзлаган нарсаларни рўёбга чиқаришда омади чопмаганини эътироф этади. У мусулмонлар юз тутган қашшоқликнинг туб сабаблари борасидаги баҳс-мунозарада уларни ишонтиришга уринган. Обама бундай дейди: «Мен Исроилни Ўрта Шарқ муаммоларининг сабабчиси қилиб кўрсатишни бас қилайлик дея айтмоқчи эдим». «Биз фаластинликлар учун бир давлатни ва қадр-қимматни рўёбга чиқариб беришни истаймиз. Бироқ, ўша нутқимда баҳс-мунозарани қўзғашни умид қилгандим. Бу баҳс-мунозара мусулмонларга бошқарув билан боғлиқ ҳақиқий муаммоларга қарши туриш имкониятини беради. Шунингдек айни баҳс-мунозара натижасида мусулмонларга замонавийлик билан мослашиш учун эътиқодларини шакллантиришларида ёрдам бермайдиган, яъни ислоҳ этишга киришмаган айрим исломий оқимларга қарши курашиш имконияти пайдо бўлади». Журнал буни қуйидагича ёритди: «Гарчи Обама ҳазоратлар тўқнашуви ҳақида сўзлашдан ва мусулмонларга қарши провокация қилишдан эҳтиёт бўлган бўлса-да, бироқ ушбу суҳбатда Исломни замонавийлик билан мослаштирилмагунча ҳамда Ислом масиҳийликнинг ўзгаришига сабаб бўлган ислоҳот ҳаракатини босиб ўтмагунча, исломий терроризм муаммосини тубдан ҳал этиб бўлмаслигини эътироф этади». (Арабий 21).
Роя газетаси шарҳи:
Америка, Ғарб, Россия ва Хитой каби давлатлар раҳбарлари терроризм, деган сўздан исломий фикрларни назарда тутишади. Бу фикрларда ўз ҳазоратлари, нуфузлари ва исломий юртларда нуфузларининг сақланиб туриши учун хавф деб билишади. Зотан, бу фикрларнинг воқеси ва уларнинг энг бирламчиси шуки, Ислом ҳақ, ундан бошқаси ботил, Исломни ҳаёт воқеида тўла татбиқ этиш лозим, уни татбиқ қилиш учун албатта давлат бўлиши, яъни Пайғамбарлик минҳожи асосидаги рошид Халифалик давлати бўлиши шарт, бу давлат Исломни бутун дунёга даъват ва жиҳод орқали етказади. Мана шундан келиб чиқиб, биз Обаманинг «Исломни замонавийлик билан мослаштирилмагунча ҳамда Ислом масиҳийликнинг ўзгаришига сабаб бўлган ислоҳот ҳаракатини босиб ўтмагунча, исломий терроризм муаммосини тубдан ҳал этиб бўлмайди», деган сўзларини тушуна оламиз. Америка сиёсати анча йиллардан буён мўътадил ислом каби тушунчаларни ёйиш орқали Исломни, унинг тушунча ва фикрларини ўзгартириш асосида олиб борилмоқда. Чунки Американинг режаси Исломни ўзгартиришдан иборат. Бироқ бу режаси омадсизликка учради ва буни Обаманинг ўзи ҳам тан олди. Америка қарши курашаётган ва биз юқорида айтиб ўтган фикрлар Ислом Уммати орасида кенг тарқалмоқда ва унинг кучли афкори оммага айланишига жуда яқин қолди.
Роя газетасининг 2016 йил 16 март чоршанба кунги 69-сонидан
Islom o’zgarmaydi, o’zgarmagan, o’zgarmaydi ham. Olloh uning o’zgarmasligini o’zi qur’onda aytgan. Odamlar o’zgarishi mumkin, fikri o’zgarishi mumkin lekin Islom dini o’zgarmaydi. Keyin bu “aqlli”larga qanday qilib tushuntirish mumkin ular ertaga yashamasligini? Erta hammang/hammamiz o’lamiz. 100 yildan keyin bu politiklaru bilgan ko’rgan odamlaringdan hech narsa qolmaydi. Tuproqqa qorishib ketasan. Undan vaqting borida harakat qilmaysanmi. Odam aqlini ishlatsa farishtadan ham yuqori darajaga ko’tarilishi, ishlatmasa hayvondan ham past darajaga tushib ketishini isboti mana shu.