Москва шаҳридаги Мишан суди Ҳизб ут-Таҳрир аъзоси 1986 йилда туғилган Мунирхон Бобоевни қамоққа олиш тўғрисида қарор чиқарди. Мунирхонга Россия Федерацияси жиноят кодексининг 205 модда 1-бандига мувофиқ айблов эълон қилинди. Бу террористик ташкилот тузиш қайд этилган банд бўлиб, унда 15 йилдан умрнинг охиригача қамоқ жазоси белгиланиши мумкин.
Ҳизб ут-Таҳрирнинг ҳеч қандай террористик амалиётга алоқаси йўқлиги ҳақиқат, албатта. Аммо Россия хавфсизлик хизмати бунга умуман парво қилмай, Ҳизб аъзоларини таъқиб остига олиш ва улкан жиноятларда айблашни давом эттирмоқда. Биргина Москва шаҳри ва областида Ҳизб ут-Таҳрирда фаолият қилганлик айблови билан 2015 йил охирига қадар ўнлаб мусулмонлар қамоққа олинди. Россиянинг қолган минтақаларида юзлаб Ҳизб аъзоси қамоққа олиниб, ҳануз ҳибсда сақланмоқда.
Рус ҳукумати исломий сиёсий партия бўлган Ҳизб ут-Таҳрир устидан туҳматлар ёғдириб, уни террористик ташкилот дея даъво қилмоқда. Шунингдек, муборак Шом заминида Муҳаммад Росулуллоҳ Aнинг тариқати асосида рошид Халифаликни қайта барпо этишга ҳаракат қилаётгани сабабли Сурия аҳлини ҳам террористлар дея даъво қилмоқда. Россия сўздан бошқа қуроли йўқ шахсларни қамоққа ташлаш билан бир вақтда, минглаб мусулмонлар бошига ўз учоқларидан бомбалар ёғдирмоқда.
Аллоҳ Таолодан Уммати Исломиядан бундай танг-бахтсизликни даф қилишини ва мусулмонларга нисбатан жиноят содир этган кимсалар жазоланадиган кунни тезлаштириб беришини сўраб дуо қиламиз. Аллоҳ Субҳанаҳу ва Таоло бундай дейди:
﴿وَلَا تَحْسَبَنَّ اللَّـهَ غَافِلًا عَمَّا يَعْمَلُ الظَّالِمُونَ ۚ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ * مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ ۖ وَأَفْئِدَتُهُمْ هَوَاءٌ﴾
«Сиз – Аллоҳ золим кимсаларнинг қилаётган амалларидан ғофил, деб ҳаргиз ўйламанг! Фақат Аллоҳ уларни(нг жазоларини) кўзлар (даҳшатдан) қотиб қоладиган (қўрқинчли қиёмат) кунига қолдирмоқда, холос. (У куни) улар бошларини (осмонга) кўтарган ҳолларида (чорланган томонга ҳисоб-китоб учун) чопурлар. Кўзлари ўзларига қайтмайди (яъни, қўрқувдан қотиб қолиб, ўзларининг қандай ҳолда эканликларини ҳам кўрмайдилар). Диллари (даҳшатдан) бўм-бўш бўлиб қолур» [Иброҳим 42-43] 
Ҳизб ут-Таҳрирнинг Россиядаги матбуот бўлими
Расмий сайт: www.hizb-russia.info
Электрон почта: mediaoffice.htr@gmail.com
