Германияда рўйхатга олинган ҳар 12 қочқиндан бирининг бедарак кетгани айтилмоқда. Германиянинг сўл партияси томонидан федерал парламентга тақдим этилган саволга ички ишлар вазирлиги томонидан берилган жавобда айтилишича, ўтган йили рўйхатга олинган 1,1 миллион қочқиндан тахминан 130 минг қочқиннинг қаерда эканлигини ҳозирда номаълум.
“Süddeutsche Zeitung” номли газетасининг ёзишича, ўтган йилда рўйхатга олинган қочоқларнинг 13 фоизи қабул марказларига қайтиб келмаган. Йил давомида Германия ҳудудига кирган қочоқлар “Easy-System” деб номланган дастури орқали рўйхатга олинади.
Федерал ички ишлар вазирлиги томонидан берилган баёнотга кўра, бу қочқинлардан баъзилари ўз йўлини давом эттириб, бошқа давлатларга ўтиб кетган бўлиши мумкин, ёки улар ноқонуний равишда бу ерда қолишни истаган бўлиши ҳам мумкин. Федерал миграция ва бошпана палатасининг раҳбари Франк-Юрген Wеисе бунга қўшимча равишда шахси аниқланаган 400 минг қочоқлар ҳам мавжудлигини билдирди.
“Роя” газетасининг интернет нашри бундан бироз аввал Европа полиция хизмати (Европол)га таяниб, сўнгги икки йил мобайнида ота-онасиз Европага ҳижрат қилган ўн мингдан ошиқ болаларнинг ғойиб бўлганини ҳақида ёзган эди. Европолга кўра, улар одам савдоси билан шуғулланувчи жиноятчилар қўлига тушиб қолиб, жинсий эксплуатация ва қулдорлик қурбони бўлиш хавотири мавжуд.
«Европол» раҳбари Брайан Дональд Британияда чиқадиган «Observer» газетасига берган интервьюсида бу рақамлар Европага етиб бориб, давлат органлари томонидан қайд этилганларидан сўнг йўқолиб қолган болалар рақамларидир, деди. Унинг изоҳлашича, биргина Италиянинг ўзида беш минг бола йўқолган. 2015 йил октябрда Швеция ҳукумати органлари ҳам Треллеборг шаҳрига етиб келган минг нафар атрофидаги боланинг йўқолганини таъкидлаган. Брайан Дональд мазкур газетага берган интервьюсида ўз оилалари ҳамроҳлигида келмаган қочқин болалардан айримларининг жинсий эксплуатация қурбони бўлганларига ишора қилувчи далиллар топилганини айтди. Қочқинларни эксплуатация қилиш жиноятига аралашган кўплаб шахслар ҳибсга олинганига, айниқса, сўнгги 18 ой мобайнида иммиграция билан боғлиқ жиноят тизими ривожланганига эътиборни қаратди. «Европол» хизмати икки тўданинг, яъни қочқинларни Европага контрабанда қилиш билан шуғулланувчи тўда билан жинсий эксплуатация ва қулдорлик мақсадида одам савдоси билан шуғулланувчи тўданинг йўллари ўзаро кесишаётганини кузатган. Европада Хавфсизлик ва Ҳамкорлик ташкилотидаги бир мулозим аёл бундай деб билдирди: «Бундай хатарга кўпроқ мана шу болалар дуч келган. Чунки улар ота-оналари назоратисиз кўчиб юришибди. Уларни оиласидагиларнинг ўзлари Европага жўнатиб, ўзлари ҳам уларнинг ортидан кейинроқ келиб қўшилиб олишни мақсад қилишган ёки оила аъзоларидан бирортаси билан қочишган.
