АҚШ сенатори Жон Маккейн 14 февралда Мюнхенда ўтган хавфсизлик бўйича халқаро анжуманда сўзлаган нутқида, Россия Европа ва Европа иттифоқи бирлигини йўқ қилиш мақсадида қасддан Сурия қочоқлари оқимини хосил қилаётганини айтиб ўтди.
Унинг сўзларига кўра, Россия ҳукумати Суриядаги гуманитар вазиятни атайлаб издан чиқармоқда.
“Путин сўнгги русмдаги рус қуролларини синаб кўриш учун Суриядан полигон сифатида фойдаланишни хоҳламоқда. У Европага зарба бериш ва Европа лойиҳасини барбод қилиш мақсадида янги қочқинлар тўлқинини вужудга келтирмоқда”, – деган Жон Маккейн, “Овқат устида Путиннинг иштаҳаси очилиб бораётгани”ни қўшимчалаб ўтди.
“Биз аллақачон Украинада бундай лавхаларни кўриб бўлдик. Россия янги ҳудудларни босиб олишда давом этмоқда ва гуманитар юклар етказиб бериш баҳонасида ҳудудларга кириб бориб, ҳарбий ҳаракатларни кучайтирмоқда. Бу ҳарбий агрессия деб аталади ва бу иш боряпти, чунки биз бунга имкон беряпмиз”, – дея таъкидлаб ўтди Маккейн.
Шу билан бирга сенатор, агар Ғарб ўз ожизлигини намоён этадиган бўлса, “Сурияда уруш давом этаверади, одамлар халок бўлади, қочқинлар эса доимий Европага қараб ҳаракатланишига”, ишончи комиллигини айтиб ўтди.
Туркистон:
Маккейн Россиядаги депутат Жериновский сингари, мамлакатнинг очиши лозим бўлган стротегик сирларини дунёга жар солиб айтиб берадиган сиёсатчиси ҳисобланади.
Эътибор беринг, у “Россия Европага зарба бериш ва Европа лойиҳасини барбод қилиш мақсадида янги қочқинлар тўлқинини вужудга келтирмоқда” деб, сўнг “биз унга шу ишда имкон беряпмиз” деди. Демак Маккейн, уни фақат биз тўхтата олишимиз мумкин у бизнинг таъсиримиз остида демоқчи.
АҚШ, Россия учун тузган тузоғини ҳам секин ёпа бошлаяпти. У ҳақиқатда ҳам Европани шу кунги ҳолатига олиб келиш мақсадида Россиядан ҳам фойдаланмоқда. Яъни, ЕИ давлатларини АҚШнинг оламда олиб бораётган ишларига бурнини суқа олмайдиган, яъни айтайлик Германия сингари АҚШга ҳарбий ва бошқа томонлама муҳтож бўлган минтақага айлантириб олмоқчи. Энди, Россияни бутун дунё учун хавфли мамлакат қилиб қўйиш учун унга қарши матбуот ҳужумини бошлади.
Россия Сурия муаммосига кириб олиши билан, ўзи учун дунё сиёсатида жуда ёмон, манфаатсиз ва хавфли стротегик йўналишни танлади. У бу йўналишни АҚШ билан бирга келишилган ҳолатда танлаган бўлишига қарамай, Россия учун лоиҳанинг энг ифлос ва хавфли томони ажратилиб берилди. Чунки бу режа ишлаб чиқилаётганида Россиянинг эмас, ўша вақтдаги Путиннинг режимининг вақтинчалик манфаатлари асос қилинган эди. Путин ҳозир ҳам ўша Россиянинг манфаатларига зид бўлган, мамлакатни ҳалокатга учратиши мумкин бўлган лоиҳадан четлаш нияти йўқ. Тўғрироғи, Россия пароканда бўлиб кетса ҳам, унинг режими шу йўлдан охиригача бораверишдан ўзга чораси йўқ.
Путин АҚШдан мурувват кутади. У ўз ҳокимиятини ўта заиф ва ночор бўлса ҳам, Россия етакчилигида сақлаб қолишидан умид қилади. Путин минтақада, яъни Европада, Эроннинг ўрнида иш олиб бориб бўлса ҳам ўзининг умрини сақлаб қолмоқчи. Яъни, бутун ЕИни АҚШ манфаатлари учун қўрқувда ушлаб туриб бериш мақсадида, ўрталарида махфий келишим тузиб, ҳарбий ҳолат жорий қилиб, Россияда Путиннинг диктаторлик режимини пайдо қилиб олиб бўлса ҳам шундай қилмоқчи. Бу худди Шимолий Корея режими ва аввалги Ироқдаги Саддам режими сингари узоқ йиллар умр кўриши мумкин. Путин Россияда доим Ғарбни сўкиб турадиган, лекин ўзи АҚШнинг чизган чизиғидан четга чиқа олмайдиган система ўрнатиб олмоқчи.
АҚШ эса, масаланинг ҳар томонларини кўриб чиқиб, ўзи, фақат ўзи учун энг манфаатли томонини амалга оширишга ҳаракат қилаяпти. У Путиндан худди Каримов ёки Эрон режимларидан фойдаланаётгандек фойдалана олса, дунёдаги бошқа мамлакатлар ҳам шунга рози бўлишса ёки мажбур бўлишса, Путиннинг ўзини Россияга ҳарбий диктатор қилиб олиб қолишади. Яқинда Жон Керри “нима бизни Россияга қарши уруш очишимизни истайсизларми” дея кесатиб гапирган гаплари бунга далолат қилади. Керак бўлса АҚШ, ўзини Россиядан ҳадиксираётгандек, уни тийиб қўйиш қўлидан келмайдиган ҳолатда қилиб кўрсата олади. АҚШнинг қуввати Россияникига тескари ўлароқ, ўз мақсадига эришиш йўлидаги ана шу сиёсий совуққонлигида.
