Ҳиндистон оммавий ахборот воситалари Ҳизб ут-Таҳрирга қарши туҳмат ва ёлғонлар тарқатмоқда
2016 йил 20 январда Ҳиндистондаги Индия Тодай, Таймс Оф Индия, Интернэшнл бизнес таймс ва Индиан экспресс каби бир нечта оммавий ахборот воситалари гўё Ҳизб ут-Таҳрир Ҳиндистонда террористик ҳужумлар содир этишни режалаштираётгани тўғрисида мақолалар ва хабарлар тарқатди. Хабарларда Ҳиндистон жосуслик хизмати Ҳизб ут-Таҳрирдан эҳтиёт бўлишга чақиргани, кейинроқ бутун юрт бўйлаб тайёргарлик ҳолати эълон қилингани айтилди. Биз ёлғон хабар ва адаштирувчи сўзлардан иборат хабар ва мақолаларга нисбатан қуйидагиларни билдирамиз:
Ҳизб ут-Таҳрир исломий сиёсий оламшумул ҳизб бўлиб, фикрий ва сиёсий кураш орқали исломий оламда Пайғамбарлик минҳожи асосидаги рошид Халифаликни барпо этишни мақсад қилган. У 1953 йил Қуддуси Шарифда ташкил топган ва бугун Ғарб, Ўрта Шарқ, Африка ва Осиёдаги қирқдан зиёд давлатларда фаолият олиб бормоқда. Унинг аъзолари фитналар, таъқиблар, қамоқлар, қийноқлар, баъзан қийноқ натижасида шаҳид бўлишларга қарамай, Ҳизбнинг зўравонликдан холи сиёсий манҳажидан четга чиққани бу Ҳизб таъсис этилганидан бери бир марта ҳам қайд этилмаган.
Ҳизб ут-Таҳрирни «Ҳиндистон Мужоҳидлари ҳаракати», «Аскари Тоййиба» ва «Жайши Муҳаммад» жамоаси билан алоқаси бор, деган даъволарга келсак, биз Ҳизбнинг Ҳиндистон ва бошқа давлатларда бу жамоаларнинг бирортаси билан алоқа қилганини қатъан инкор этамиз. Мисол учун, «Таймс Оф Индия» газетаси мақоласида «огоҳлантирувлар Ҳизб ут-Таҳрирнинг «Британиядаги муҳожирлар ҳаракати» номли қуролли қаноти кучайиб бораётганини кўрсатмоқда. Бу қанот Ҳизб кадрларига кимёвий, бактериологик ва биологик ҳужумлар содир этиш учун кадрлар тайёрлаб келади», дейилди. Бу гапларнинг бирортаси на воқега тўғри келсин ва на ҳақиқатга. Аксинча, ҳаммаси аҳмоқона даъво ва қуруқ туҳматдан бошқа нарса эмас. Чунки Ҳизб ут-Таҳрирнинг қуролли қаноти бўлмаган ва асло бўлмайди ҳам. Бизнинг «Британиядаги муҳожирлар ҳаракати» билан ҳам ҳеч қандай алоқамиз йўқ.
Мазкур оммавий ахборот воситалари тарқатган бу хабарларни ақли кирди-чиқди бўлиб қолганларнинг ёки жиноятчиларнинг гапи дейиш мумкин.
Такрор айтамиз, биз Ҳизб ут-Таҳрир ташкил топганига олтмиш йил бўлган бўлса, шундан буён зўравонликдан холи сиёсий тариқатга риоя қилиб келамиз. Бунга риоя қилиш биз учун қандайдир манфаат эмас, балки Росулуллоҳ Aга эргашишдек бир фарзга қатъий амал қилишдир.
Биз айни масалага алоқадар ахборот воситаларидан зудлик билан қайта тўғрилаб нашр қилиш ва ошкора узр сўраш билан журналистиканинг бетарафлик ва ростгўйлигига риоя қилишларини ҳамда ушбу матбуот баёнотимизни нашр қилишларини талаб қиламиз. Шу билан бирга, ёлғон ва туҳматлар тарқатиш орқали Ҳизб ут-Таҳрирни обрўсизлантиришга қаттиқ туриб уринаётган ахборот воситаларига қарши қонуний чоралар кўришда ўзимизнинг қонуний ҳуқуқимизни сақлаб қоламиз. Бир вақтнинг ўзида, саволларига жавоб беришга доим тайёр эканимизни ҳам билдирамиз.
Усмон Баххош
Ҳизб ут-Таҳрирнинг марказий матбуот бўлими раиси
Манзил: алМазраа – «Колумбиа Центр» – блок б – иккинчи қават
Почта қутиси 145010
телефон: 00961 1 30 75 94
уяли телефон: 00961 71 72 40 43
электрон почта: media@hizb-ut-tahrir.info
