Д. Файсал Қосимга оддий жавоб:
Кимдир хоҳлайдими ёки хоҳламайдими келажак Ислом дининикидир
«Қудсул Арабий» газетаси 2016 йил 1 январда ўзининг электрон сайтида доктор Файсал Қосимнинг «Халифалик қайтишини орзу қилувчиларга бир оддий савол»номли мақоласини нашр қилди. Унинг саволига оддий жавоб бериш учун қуйидагиларни айтамиз:
Д. Қосимнинг «(реалист) бўлишимиз керак» деган қарашидан келиб чиқиладиган бўлса демак Пайғамбарлик минҳожи асосидаги рошид Халифаликнинг қайта тикланишини «орзу қилувчилар» охири бориб «Америка ковбойи» асри замони ва маконидан ташқарида бўлиб қолади.
Бу саволни Д. Қосимдан бошқа кўпчилик ўртага ташлайди. Буни инкор қилмаймиз. Улар ўз қарашларида воқелик кишанларидан туриб фикр юритади. Уларнинг ақли шу воқелик босими остида қолган. Шунинг учун улар энг ёвуз моддий қурол-аслаҳалар билан тиш-тирноғигача қуролланган ва бутун олам иқтисодига, балки интернетга ҳам ўз ҳукмини ўтказаётган «Америка ковбойи»га қул бўлиш кишанларидан қутулишни шунчаки орзу қилишдан ҳам қўрқади. Ҳатто ҳаёт кислородига ҳам уларнинг наздида фақат америкалик «Том» амакини рози қилиш билангина эришиш мумкин!!
Бухорий Абу Абдуллоҳ Ҳаббоб ибн Арат Gдан шундай деганини ривоят қилди: Биз Росулуллоҳ A ҳузурига шикоят қилгани бордик. У киши Каъба соясида чопонини ёстиқ қилиб суяниб ўтирган эканлар. Биз: биз учун нусрат сўрамайсизми? Биз учун дуо қилмайсизми? – дедик. Шунда Пайғамбаримиз бундай дедилар:
«قَدْ كَانَ مِنْ قَبْلِكُمْ يُؤْخَذُ الرَّجُلُ؛ فَيُحْفَرُ لَهُ فِي الْأَرْضِ، فَيُجْعَلُ فِيْهَا، ثُمَّ يُؤْتَى بِالْمِنْشَارِ فَيُوْضَعُ عَلَى رَأْسِهِ فَيُجْعَلُ نِصْفَيْنِ،وَيُمْشَطُ بِأَمْشَاطِ الْحَدِيْدِ مَا دُوْنَ لَحْمِهِ وَعَظْمِهِ فَمَا يَصُدُّهُ ذَلِكَ عَنْ دِيْنِهِ. وَاللهِ لَيُتِمَّنَّ اللهُ هَذَا الْأَمْرَ حَتَّى يَسِيْرَ الرَّاكِبُ مِنْ صَنْعَاءَ إِلَى حَضْرَمَوْتَ، لا يَخَافُ إِلاَّ اللهَ وَالذِّئْبَ عَلَى غَنَمِهِ وَلَكِنَّكُمْ تَسْتَعْجِلُوْنَ»
«Сизлардан аввалгилар даврида киши ушлаб келиниб, унга чуқур қазилар, сўнг шу чуқурга тушурилиб, арра билан бошини иккига бўлиб ташланар эди.Темир тароқлар билар таралиб, гўшти билан суяги (ажратиб олинарди). Аммо бу нарса уни динидан тўсолмас (яъни қайтаролмас) эди. Аллоҳга қасамки, Аллоҳ бу ишни албатта тамомига етказади. Ана шунда Санъодан Ҳазрамавтга йўл олган отлиқ ҳам ҳеч нарсадан қўрқмай бемалол борадиган бўлади. У фақатгина Аллоҳдан ва қўйларини бўри еб кетишидан қўрқади, холос. Лекин сизлар шошиляпсизлар». Ҳа, шундай, бу Содиқ, Масдуқ Пайғамбаримизнинг ваъдасидир. Пайғамбаримиз Aнинг Суроқа ибн Моликка берган ваъдасини эсланг. Суроқа мукофот олиш илинжида Пайғамбаримиз ортидан қувиб таъқиб қилган эди. Чунки Қурайш ким Муҳаммад Aни тириклайин ушлаб келса ёки ўлдириб олиб келса унга энг зотдор туялардан юзтаси мукофот қилиб берилиши ҳақида қабилаларда жар солиб эълон қилган эди. Суроқа шу мукофотни олиш илинжида Пайғамбаримиз Aни таъқиб қилди. Шунда Пайғамбаримиз унга: «Эй Суроқа, Кисро билакузукларини таққан пайтингда ўзингни қандай ҳис қилар экансан, нима дейсан?» дедилар. Суроқа: Мадоиндаги оқ қаср соҳиби Кисро ибн Ҳурмузнингми? – деди. Пайғамбаримиз: «Ҳа, Кисро ибн Ҳурмузнинг» дедилар. Ҳолбуки Кисро ўша даврда ўз асридаги энг кучли подшоҳларнинг энг кучлисидан эди. Ана шу ваъдадан кейин кунлар айланди. Бирдан қарабсизки, ўлдириб муборак қонини тўкишмоқчи бўлган, қувғин қилиниб, тун зулмати пардасида яшириниб Маккадан чиқиб кетган Пайғамбаримиз Муҳаммад A Маккага саййид, фотиҳ ҳолда, минглаб ярқираган қиличлар ва найзалар қуршовида қайтиб келдилар. Кунлар яна айланди. Бирдан қарабсизки, мусулмонлар ишини бошқариш Умар Форуқ қўлига ўтди. Умар Форуқ Кисро подшоҳлигини йўқ қилди ва мусулмонлар ўлжаларни байтул молга олиб келдилар. Шунда Умар Форуқ Суроқа ибн Моликни чақириб унга Кисро кўйлагини кийгизди, бошига унинг тожини қўйди, қўлига унинг билакузукларини тақди. Шундан кейин Умар Суроқага қараб: воҳ (қойил), Бану Мадлаждан бир аъробий бошида Кисронинг тожи ва қўлида унинг билакузуклари – деди. Ҳа, шундай, самолару ер ва уларнинг орасидаги нарсалар Аллоҳ Субҳанаҳунинг мулкидир. Аллоҳ Субҳанаҳу бирон нарсани ирода қилса унга фақат «бўл» дейди, у нарса дарҳол бўлади. Демак Аллоҳ Субҳанаҳуни Американинг тожу тахти ҳам, Россиянинг тожу тахти ҳам, ер юзидаги бошқа тоғутларнинг тожу тахтлари ҳам ожиз қолдиролмайди.
Биз умматларнинг бир-бири билан тўқнашиб туриши, уларнинг ўртасида курашлар бориши коинот қонуниятларидан бири эканини биламиз. Чунки ҳақ билан ботил ўртасида кураш Аллоҳ ер ва унинг устидаги нарсаларни мерос қилиб олгунга қадар давом этаверади. Бу кураш ҳужумлар ва чекинишларни бошдан кечиради, уларда кўтарилиш ва пасайишлар бўлади.
وَتِلْكَ الأَيَّامُ نُدَاوِلُهَا بَيْنَ النَّاس
«Бу кунларни (яъни ғалаба ва мағлубият кунларини) одамлар орасида айлантириб турамиз» [Оли Имрон 140]
Масалан ўтмишда Ислом душманлари мўғул-татарлар Халифалик пойтахти Бағдодни босиб олишга муваффақ бўлишди. Айни вақтда салибчиларнинг кучи Росул Aнинг Исро ерини топтаб булғатаётган эди. Умматимиз тарихидаги ана шу қора саҳифага қарамай Аллоҳ Субҳанаҳу бу Умматга холис қўмондонликни тақдир этди. Бу холис қўмондонлик мусулмонларни бирлаштириб уларни иккала босқинчини: салибчилар ва мўғул-татарларни янчиб ташлаш, босқинчилик асоратларини йўқ қилиш сари етаклади. Бугина эмас, балки Аллоҳ Субҳанаҳу бу Умматга султон Муҳаммад Фотиҳни тақдир қилди. Бу султонни у Росулуллоҳ Aнинг:
«لَتُفْتَحَنَّ الْقُسْطَنْطِينِيَّةُ، فَلَنِعْمَ الْأَمِيرُ أَمِيرُهَا، وَلَنِعْمَ الْجَيْشُ ذَلِكَ الْجَيْشُ»
«Албатта Константинопол фатҳ қиласизлар, унинг амири қандай ҳам яхши амир, ана шу қўшин қандай ҳам яхши қўшин», деган башоратига ноил бўлиб зафар қозониши учун майдонга чиқарди. Шундан кейин мусулмонлар қўшинлари фатҳларга отланиб, султон Сулаймон даврида Венагача етиб бордилар. Энди агар Файсал Қосим Росулуллоҳ Aнинг Рим фатҳ этилиши ҳақидаги башоратига (Росулуллоҳ Aдан икки шаҳардан қайси бири аввал фатҳ этилади, Константинополми ёки Римми, деб сўралган пайтда Пайғамбаримиз A:
«مَدِينَةُ هِرَقْلَ تُفْتَحُ أَوَّلاً»
«Иракли шаҳри биринчи фатҳ этилади», яъни Константинопол, деб жавоб берган эдилар) шубҳа билан қарайдиган бўлса, биз Аллоҳ Азза ва Жалланинг Ўз динини ғолиб қилиш ҳақидаги ваъдасига қаттиқ ишонамиз.
يُرِيدُونَ لِيُطْفِؤُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ * هُوَ الَّذِي أَرْسَلَ رَسُولَهُ بِالْهُدَى وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ
«Улар Аллоҳнинг нурини (яъни Исломни) оғизлари (яъни беҳуда гаплари)билан ўчирмоқчи бўлурлар. Аллоҳ эса, гарчи кофирлар истамасалар-да, Ўз нурини (яъни динини) тўла (яъни ҳар тарафга) ёйгувчидир. У (Аллоҳ) Ўз пайғамбарини ҳидоят ва ҳақ дин билан – гарчи мушриклар истамасалар-да — барча динларга ғолиб қилиш учун юборган зотдир» [Соф 8-9]
Файсалнинг Америка кучли, деган даъвосига келсак, бу даъво менга Ҳақ Субҳанаҳу ва Таолонинг ушбу қавлини эслатади:
مَثَلُ الَّذِينَ اتَّخَذُوا مِن دُونِ اللَّهِ أَوْلِيَاء كَمَثَلِ الْعَنكَبُوتِ اتَّخَذَتْ بَيْتًا وَإِنَّ أَوْهَنَ الْبُيُوتِ لَبَيْتُ الْعَنكَبُوتِ لَوْ كَانُوا يَعْلَمُونَ
«Аллоҳдан ўзга «дўстлар»ни ушлаган кимсаларнинг мисоли худди (ўзи учун)уй қуриб олиб, (ўша уйидан паноҳ истаган) ўргимчакка ўхшайди. Албатта уйларнинг энг нимжони ўргимчак уясидир. Агар улар билсалар эди,(ўргимчак уяси каби ожиз бутлардан паноҳ истамаган бўлур эдилар)» [Анкабут 41]
Ҳа, шундай, моддий қувват ҳақнинг қувватига таянмайдиган бўлса у йўқ бўлиб кетувчи мўрт қувватдир. Масалан Хитой халқига афюн (опиум, наркотик модда) савдосини зўравонлик билан юклаган Британия бўладими, ёки 2011-2014 йиллар орасида «ривожланувчи» давлатларга 156 миллиард доллар қийматида қурол-аслаҳа сотган Америка ва Россия бўладими ёки Фаластинда Ғарб ҳазорати жиноятларига далил бўлиб турган жиноятлардан бири яҳуд вужуди бўладими, ҳеч фарқсиз, буларнинг барчаси йўқ бўлиб кетувчи мўрт қувватдир. Шунинг учун Файсал Қосим ҳақни ажратиб олса яхши бўларди. Ҳақнинг ҳақлигига душманларнинг ўзи гувоҳлик бермоқда. Масалан собиқ Америка элчиси Дэн Симпсон ўзининг Pittsburgh Post-Gazette газетасида 2015 йил 30 декабрда нашр қилинган мақоласида Американинг оламдаги ёвузлик боши эканини, ўлим савдоси бўлмиш қурол-аслаҳа савдоси тўхтатилмас экан ер юзида тинчлик ҳеч қачон бўлмаслигини тан олади.
Британиялик машҳур тарихчи Арнольд Тойнби эса ўзининг «цивилизация муҳокама остида» номли машҳур китобида Ғарб ҳазорати шунча кўзни қамаштирувчи моддий ютуқларга эришганига қарамай бу ҳазорат охир-оқибат тубанлик ва йўқ бўлиб кетишга маҳкум эканидан огоҳлантиради. Чунки Ғарб ҳазорати мустаҳкам диний ақида асосларига таянмайди, деб ёзади Тойнби. У Ислом азамати-буюклигини унутган ўз миллатини қулаши муқаррар бўлган ўз ҳазоратларининг алдамчи технологик тараққиётига ғурурланиб, алданиб қолмасликлари зарурлиги ҳақида огоҳлантирган (85-86 саҳифа). У уларни ўзларидан олдин ўтган миллатлар ва ҳукм сурган, сўнгра йўқ бўлиб кетган ҳазоратлар қисматидан сабоқ олишга чақиради (84 саҳифа). Муаллиф бу билангина кифояланмай балки ўз миллатини яқин келажакда етакчилик ролини ўз қўлига олувчи исломий ҳазоратни кашф қилишга ҳам чақиради. У Исломий Уммат ўзини қамраб олган вақтинча уйқуга қарамай ўзининг Ғарб ҳазорати устидан қозонган ғалабасини яна такрорлашга тайёр турганини баён қилади. Исломий Уммат Шом ва Мисрни минг йил давом этган греклар ҳукмронлигидан озод қилишда қандай ғалаба қилган бўлса тамоман шундай ғалаба қилади. Бу Уммат Нуриддин Зангий, Салоҳиддин ва мамлуклар қўмондонлиги остида салибчилар ва мўғул-татарлар босқинини янчиб ташлашга ҳам муваффақ бўлган, деб ёзади Тойнби (187 саҳифа). Бугина эмас, балки Тойнби оламий ҳазорат маркази Бағдоддан тортиб Фарғона водийсига қадар чўзилган «кўприк»да бўлишини ҳам башорат қилади.
Энди тойота автомашиналари ва Америка доллари ҳақида айтадиган бўлсак, эй Файсал, сен бу арзимас, майда-чуйда нарсаларни қўй. Чунки Исломий Уммат бойликлар ва башарий лаёқатлардан шундай нарсага эгаки, булар унга башарият етакчилиги мақомини эгаллаш имконини беради. Лекин Исломий Уммат бу мақомни мустамлакачилик жиноятчилиги асосида эмас, балки ҳақ ва адолат асосидаги Ислом рисолати билан эгаллайди. Зеро Исломий Уммат одамлар учун чиқарилган энг яхши умматдир. У Аллоҳнинг метин арқонини маҳкам тутар экан шундай уммат бўлиб қолади. Ислом эса
لاَ إِكْرَاهَ فِي الدِّينِ
«Динга зўрлаб (киритиш) йўқдир» [Бақара 256]
тушунчаси асосига қурилган бўлиб, Ислом ядровий бомбалар, кимёвий қуроллар ва портловчи бочкалар билан эмас, аксинча ҳақнинг қуввати ва қаноатлантириш билангина ёйилди. Шунинг учун агар Ғарб таҳдиди воқесини баҳс қилишни, Умматни уйғотиш учун ва башариятни Ғарб жиноятларидан, зулмидан ва босқинчилигидан озод қилиш учун Ғарбга қарши курашиш йўлини баҳс қилишни истасанг биз буни сен ихтиёр қилган ҳар қандай макон ва замонда олқишлаймиз.
Ҳизб ут-Таҳрирнинг марказий матбуот бўлими раиси
Манзил: алМазраа – «Колумбиа Центр» – блок б – иккинчи қават
Почта қутиси 145010
телефон: 00961 1 30 75 94
уяли телефон: 00961 71 72 40 43
электрон почта: media@hizb-ut-tahrir.info