Россиянинг собиқ молия вазири Алексей Кудриннинг сўзларига кўра, мамлакат бошдан кечираётган иқтисодий инқрознинг чўққисидан ошиб ўтгани йўқ, чунки ҳукумат инқирозга қарши етарлича чора-тадбирлар қабул қилмади.
“Маълум вақт олдин кўплаб экспертлар, шу жумладан мен ҳам, инқирознинг чўққисини босиб ўтдик деб ҳисоблаган эдик. Аммо бугун айрим қўшимча салбий оқибатларни кўриб турибмиз, буни биз ноябр ойида кўрдик. Бу эса вазият хали ҳам беқорор эканлигини англатади. Бунга нефт нархини кескин пастлаб кетиши каби жиддий муаммо қўшимча бўлди. Агар нефт нархи кейинги олти ой ёки бир йил мобайнида шундай сақланиб қолса, бизни иқтисодий пасайишлар кутиб турипти. Шу боис биз иқтисодий инқироз чўққисини босиб ўтдик деб айта олмаймиз”, – деди Кудрин “Интерфакс” га берган интервьюсида.
Кудриннинг сўзларига кўра, келаётган йил жиддий қийинчиликлар олиб келади. “Давлат ҳаражатлари камаяди, бу муқаррар, чунки даромад ҳам оз бўлади. Кейинги йилда инфляция даражаси кутилган 6,4 фоизга нисбатан 1,5 фоиз юқори бўлади”, – дея таъкидлаб ўтди.
Бундан ташқари Кудрин, яқин вақтлар ичида Россия “кредитларни юқори ставкалари, қатор соҳаларда – ишлаб чиқаришда бўлгани каби, иш билан таъминлаш ва даромад бўйича ҳам хатарларга” дуч келиши мумкинлигини истисно қилмади.
“Ҳозир ҳам вазият жуда яхши эмас, аммо айрим банклар ва айрим тармоқларни ҳисобга олмаганда ҳозирча барқарор деб айтишимиз мумкин. Лекин ёмонлашиши ҳам мумкин”, – деди собиқ вазир.
