Бугун (15.12.2015) Тожикистон тартибни сақлаш органлари тарафидан Ҳизб ун-Наҳзати Исломия (ҲНИТ) раҳбари Муҳиддин Кабирийнинг оиласи ва яқинларига қарши рейд уюштирилди. Натижада куч органлари ходимлари Кабирийнинг яқин қариндошларини қамоққа олишиб номаълум томонга олиб кетишди. Ҳанузгача уларнинг тақдири тўғрисида бирор маълумот келмади.
“Payom” сайтининг хабарига кўра қўлга олинганлар орасида Кабирийнинг 95 ёшли отаси Тилло Кабиров ҳам бор бўлиб, куч органлари томонидан қаттиқ таҳдид остида олиб кетилган.
Маълумот сифатида айтиб ўтомоқчимиз, ҲНИТ Тожикистонда 90 йиллардан буён фаолият олиб боради. Тарафдорлари кўп бўлиб, ҳукумати томонидан унинг фаолиятига қарши деярли бирор ҳаракат олиб борилмаган. Тожикистоннинг турли минтақаларида ҲНИТнинг офислари мавжуд бўлиб, узоқ йиллар мобайнида фаолият олиб борди. Улар аҳоли орасида ўз мақсади сари интилиб, масжидлар барпо этдилар, етимларга ёрдам бериб, муҳтожларнинг ҳожатини чиқардилар. Уларнинг эзгу ишларини ҳар замонда Эрон мамлакати олиқишлаб турарди. Эркаклар қаторида аёллар ҳам ҲНИТга аъзо бўлишди. Уларнинг мақсади давлат парламентидан жой эгаллаб Ислом равнақи учун ҳисса қўшишдан иборат эди. Аммо барча диний манбаларга келган таҳдид наҳзачилар бошига ҳам етиб келди.
Ушбу йилнинг бошларида ҲНИТ раҳбари Муҳиддин Кабирий иш сафари баҳонаси билан хориж томон йўл олди. Унинг бу сафари узоққа чўзилиб, Кабрий ватанига қайтиб келмади. Ҳизб ут-Таҳрир бу раҳбарининг тасодифан ғойиб бўлиши ортидан янги воқеалар содир юзага келишини сезди. Ҳатто ижтимой тармоқлар орқали одамларни бу куфрнинг навбатдаги ҳийласи эканлигини такроран баён эттб, огоҳлантирди. Аммо Кабирийнинг йўлларига кўзлари тўрт бўлган ҲНИТ аъзолари томонидан бу нарсага умуман эътибор берилмади.
Ҳизби Наҳзати исломий шу йилнинг март ойида бўлиб ўтган парламент сайловларида жуда кам овоз тўплашганлари боис деярли мамлакат ҳудудида илгаригидек мустақил фаолият олиб бориша олмади. Бундан ташқари ҳукумат тарафидан унинг лидерларига турли тазйиқлар қўлланилди, 13 нафари зиндонбанд қилинди. Кўпчилиги мамлакатни тарк қилишга мажбур бўлишди. Октябр ойида ҲНИТ фаолларидан бири, муслима аёл Зарафо Раҳмоний қамоқхонада орган ходимлари томонидан тажовузга учради.
Шу вақтгача ҲНИТ ҳамиша Ҳизб ут-Таҳрирни айблаб келишди, иғволар тарқатишиб, аҳолини (уларнинг тили билан айтганда) “таҳрирчилар”га қарши гиж-гижлашди, Ҳизб ут-Таҳрирнинг ғоясини хато билиб ва ҳатто инкор этишди. Исломга қарши бўлган ҳаракатларнинг барчасига “таҳрирчилар”ни айбдор деб билишди. Ижтимоий сайтлар воситасида Ҳизб-ут- Таҳрир мақсадларини қоралаб мақолалар чиқаришди.
Аммо бугунги кунга келиб ўзлари куфр зулмига гирифтор бўлдилар. Эмомали Раҳмоннинг мустабид режими ўзининг манфаати сари ҳатто Муҳиддин Кабирийнинг 95 ёшли отасига раҳм қилмади.
