Туркия президенти Ражаб Эрдўғон “мамлакат Россия томонидан бўладиган ҳарбий таҳдид хавфи остида қолганлиги сабабли Россиянинг барча кемалари учун Босфор ва Дарданелли (Чаноққала) бўғозларини ёпишга қарор қилганлигини” расман маълум қилди.
“news.eizvetia.com” нашрининг маълум қилишича, Туркия Босфор ва Дарданелли бўғозларини Россиянинг ҳарбий юклари бўлган ҳарбий ва фуқаровий кемаларига, шу жумладан, Сурияга юк етказиб беришга боғлиқ бўлмаганларига ҳам ёпишга қарор қилди.
Хабарда айтилишича, “1936 йилда қабул қилинган Монтрё конвенциясига асосан (мазкур конфенцияга кўра, Туркия урушда иштирок этса ёки ўзига уруш бевосита таҳдид солиб турипти деб топган тақдирда унга бўғоздан ҳар қандай ҳарбий кемаларни ўтишига рухсат бериш ёки тақиқлаш ҳуқуқи берилган) Туркия президенти Ражаб Эрдўғон “мамлакат Россия томонидан кутилаётган ҳарбий таҳдид остида қолганлига сабабли Қора денгизда турган ва нафақат Суриядаги ҳарбий амалиётлар учун, балки Россия билан ихтилофда бўлган давлатлар учун ҳам мўлжалланган барча рус кемаларига Босфор ва Дарданелли бўғозларини ёпишга қарор қилди. Тегишли қарор БМТга юборилди”.
Туркия президентининг бу қароридан сўнг Россиянинг бутун бошли Қора денги флоти Қора денгизда қамалиб қолди ва Москва томонида туриб “ўйнаётган” Сурия ва бошқа режимларни қўллаб-қувватлаш учун бўғоздан фойдаланиш имкониятидан маҳрум бўлди. Эндиликда денгиз йўли орқали Сурия ёки бошқа бирор давлатга ҳарбий юк етказиб бериш учун Россия Гибралтар бўғозидан фойдаланишга мажбур бўлади, бу эса Россиядан уч баробар кўпроқ вақт ва куч талаб қилади.
