Афғон миллий полицияси томонидан Афғонистоннинг турли минтақаларида исломий сиёсий фаолият олиб бораётган Ҳизб ут-Таҳрир уюшмасининг аъзоларига нисбатан қамоққа олиш амалиётлари уюштирилди. Қамоққа олиш чоғида диққат эътибор хусусан билимли ёшларга қаратилди. Афғонистонга оид маҳаллий ахборот агентликлари воқеликни атайин бузиб кўрсатиб, “Террорчи гуруҳларни ҳаракатга келтирувчи Ҳизб ут-Таҳрир уюшмасининг раҳбарлари қўлга олинди”, дея асоссиз ёлғон хабарлар тарқатди.
Афғонистонда истиқомат қилиб келаётган ёш биродарларимиздан олинган маълумотларга кўра, бу амалиёт Афғонистон бош ижрочи раҳбари Абдуллоҳ Абдуллоҳнинг Ҳизб-ут-Таҳрир уюшмасига қарши берган баёнотидан сўнг ўтказилган. Афғон миллий полицияси амалиёт доирасида қўлга олинган мусулмон ёшларнинг сони ҳақида маълумот бермади. Ҳизб ут-Таҳрир ҳам мазкур воқеа тўғрисида ҳали расмий баёнот чиқармади.
Ҳодиса юзасидан Афғонистоннинг машҳур ахборот агентлиги “Tolonews” қуйидагича бўҳтон хабарлар тарқатди: “Афғонистоннинг Нимроз минтақасида экстримистик ғояларни ўз ичига олган ва ёшларни жангари гуруҳларга тарғиб қилувчи варақа ва китоблар чоп этган Ҳизб ут-Таҳрир уюшмасининг аъзолари ҳибсга олинди. Афғонистон Миллий хавфсизлик бўлими тарафидан чиқарилган баёнотда айрим ҳужжатлар ҳам мусодара қилинганлиги айтилмоқда”.
Бу ҳодиса Афғонистон бош ижрочи раҳбари Абдуллоҳ Абдуллоҳнинг Афғонистон Вазирлар Кенгашининг йиғилишида берган баёнотидан сўнг юзага келди. Абдуллоҳ Абдуллоҳ ўзининг баёнотида Ҳизб ут-Таҳрир уюшмасини “террорчи ташкилот”, деб атаб, фаол тарзда ёшларни жангари гуруҳларга қўшилиш учун рағбатлантираётганлигини даъво қилган эди.
“Ҳизб ут-Таҳрир ташкилоти академик доираларда, хусусан ёшлар орасида фаолият олиб бормоқда. Бу уюшма қуролли гуруҳларнинг норасмий қанотидир. Ёшларни террорчилик фаолиятида иштирок етишга тарғиб қилади”, дея туҳмат қилди Абдулла Абдулла.
Абдуллоҳ Абдуллоҳга кўра, ҳукумат шу вақтгача Ҳизб ут-Таҳрир фаолиятини тўхтатиш учун ҳеч қандай ишга қўл урмаган, фақат бу уюшма ҳақида жиддий текширув олиб борган холос.
