Эрон президенти Ҳасан Руҳоний Нью-Йоркда ташкил қилинган БМТ бош ассамблеясида нутқ сўзлади. У ўз нутқида Сурияда терроризмни (Исломни) йўқ қилиш ва демократияни ривожлантириш учун ҳар бир ишга тайёр эканлигини билдирди.
“Ироқ ва Афғонистонда демократиянинг ўрнашувига ёрдам берганимиз каби Сурия ва Яманда ҳам демократиянинг ҳукмрон бўлишига ёрдам беришга тайёрмиз”, деди Эрон президенти.
Шунингдек, Ҳасан руҳоний жорий йил ҳаж мавсумида ҳожиларнинг нохуш ҳодисалар туфайли ҳалок бўлишида Саудия ҳукуматини айблади. Шайтонга тош отиш маросимида юзлаган ҳожиларнинг ўлимига сабаб бўлган тиқилинч ҳодисаси табиий офат ҳисобланмаслигини қайд этган Руҳоний бу ҳодиса Саудия ҳукуматининг лоқайдлиги туфайли юзага келганлигини таъкидлади. Хабарларда айтилишича, Минодаги тиқилинчда ўлганларнинг аксарини эронликлар ташкил қилади.
“Ҳажда ўлганлар учун мотам тутаётган халқ номидан гапиряпман. Маънавий мақсадда тўпланган ёшу қари, эркагу аёл ҳожилар лоқайдлик ва ёмон бошқарув қурбони бўлишди”, деди Ҳасан Руҳоний.
Эрон президенти жорий йил ҳаж мавсумида ҳалок бўлган ёшу қари, эркагу аёл ҳожилар ҳақида сўз юритди-ю бироқ Сурияда Эрон аскарлари тарафидан атайин ўлдирилаётган минглаган бегуноҳ ёшу қари, эркагу аёллар ҳақида бир оғиз ҳам сўз айтмади. Ваҳолангки Асад қўшинига ёрдам кўрсатиш учун келган Эрон аскарлари Сурияда қандай қабиҳ ишлар қилаётганига бутун дунё гувоҳ бўлиб турипти.
