Хитой ва АҚШ ўртасида терроризм ва пул ювиш жиноятларига қарши кураш бўйича меморандум имзоланди. Бу ҳақдаги маълумот Хитой ТИВ сайтига жойлаштирилган.
Маълум қилинишича, бу шартнома Хитой раҳбари Си Цзиньпиннинг АҚШга ташрифи давомида имзоланган.
“ХХР ва АҚШ пул ювиш, терроризмни молиялаштириш ва шу турдаги бошқа жиноятлар бўйича маълумотлар йиғиш ҳамда текширувлар олиб боришда ўзаро ҳамкорлик қилади”, – дейилади ҳужжатда.
“Томонлар терроризмга қарши курашда кўптомонлама ҳамкорлик қилишга киришади ва БМТ Хавфсизлик кенгаши қарорлари асосида ҳаракатланади”, – дейилади хабарда.
Шунингдек, АҚШ ва Хитой Афғонистонда тинчлик ўрнатиш масаласида ҳамкорлик қилиш борасида келишувга эришган.
Бундан ташқари, томонлар порахўрликда айбланган шахсларга тегишли мулкларнинг ҳибсга олинишида ўзаро ҳамкорлик қилади. Қолаверса, ноқонуний муҳожирлар ва қочқинлар масаласида томонлар ўзларига юклатилган мажбуриятларни бажаришлари белгилаб қўйилган.
Бунгача Хитойдан АҚШга ўтиб кетган жиноятчи амалдорларни ортга қайтариш бўйича келишув йўқ эди.
Туркистон:
Бу ҳамкорлик Хитой Россияни кризис ҳолатидан чиқиб кетиши мумкин бўлган ягона умиди бўлиб турганида, уни қўллаб юбормагани учун АҚШнинг Хитойга қилган туҳфаларидан бири бўлди.
Россия Хитой учун жуда қулай ва кенг бозор ва ўта манфаатли ҳамкор бўлиши мумкин эди. Бундан ташқари Россия билан Ҳиндистон ва бутун Осиё бозорлари учун кўприк вазифасини бажариб бериши ҳам мумкин эди. Лекин АҚШ Хитойнинг бу манфаатларидан кўра кўпроқ зиён олиб келиши мумкин бўлган бир неча муаммолар келтириб чиқара олиши мумкин эканига ишонтира олди. Натижада Хитой Уйғур автономиясида олиб бораётган зулмлари оқибатидан ҳадиксирай бошлади. Ҳиндистон ҳам Кашмир тарафдаги зулмларидан ҳадиксираб, Россия билан келишила бошлаган улкан лоиҳалардан воз кечишга мажбур бўлди.
Илгари АҚШнинг бу каби туҳфалари, Афғонистон муаммоларидан қутулишида ёрдам кўрсатгани учун Ўзбек диктатори Каримов режимига берилганига гувоҳ бўлган эдик. Каримов ҳам инсониятга нисбатан ваҳшийликда Сян Зи Миндан қолишган эмас. Лекин АҚШ Каримов ва Ўзбек режимининг оламдаги ифлос репутацияларига қарамай, дунё ҳамжамияти олдида уни поклай олди. Демак АҚШ ўзининг майда мақсадлари йўлида, мафкуравий принципларидан воз кечишда давом этаяпти.
АҚШни оламий террорист деб аташ мумкин: – у Хитойни, ўзига иқтисодий қарам қилиб олаётгани билан бир қаторда, бир томонидан Уйғуристон муаммоси билан, иккинчи томонидан Шимолий Корея режими билан ўраб олиб, шантаж қилади. Ҳиндистонни эса, Покистон ва бошқа Мусулмонлар яшайдиган минтақаларидаги вазиятларини дистабиллаштириб юбориш билан қўрқитади. Ўзбекистонни Афғонистон билан қўрқитса, Каримовни, қизларини олам бўйлаб кўп жиноий ҳаракатлар олиб боришига АҚШнинг ўзи шароитлар яратиб бериб, энди уларни Каримовни шантаж қилиб ушлаб туришда қурол қилиб фойдалана бошлади. Қирғизистон эса, АҚШнинг Ганси авиабазасини чиқариб юборгани учун ўзига АҚШ томонидан қандай ифлос чоралар кўрилар экан, деб доимий ҳадик билан кутиб турипти…. ва ҳоказо.
АҚШ дунёда ўз диктатурасини ўрнатиб бўлди десак ҳам бўлади. У юқоридаги каби бирор манфаатини рўёбга чиқариш учун, баъзида миллионлаган инсонларни ўлимига сабаб бўлса, баъзида уларни мигрантлар деб аталмиш сарсон саргардан ҳолатларига олиб келади. Шу ифлос ўйинларнинг деярли ҳаммаси АҚШнинг манфаатлари асосида бораяпти. Буни англаб олиш қийин эмас. Бирор минтақада АҚШнинг манфаатига зиён етган бўлса ёки бирор манфаатни қўлга киритиши керак бўлса, ўша ерда ҳар хил қўзғалонлар пайдо бўла бошлайди. АҚШга содиқ мамлакатларда эса, Япония, иккала Корея, Германия, Эрон…. ҳар томонлама стобил ҳолат ҳукм суради.
Демак оламий дистобилизация ҳолатлари ҳозирда деярли фақат АҚШнинг иштироки ёки ҳомийлига асосида уюштириладиган бўлиб қолди дейиш мумкин.
