20 сентябр куни Москва шаҳрида минглаб одамлар Россия президенти Владимир Путин истеъфосини талаб қилиб норозилик намойиши ўтказишди.
“Миллат ва Озодлик” қўмитаси тарафдорлари бўлган рус миллатчилари ва “Хотира” мухолифат ҳаракатлари ҳам мазкур нарозилик намойишини қўллаб-қувватлаб,
-Путин ва унинг ҳукумати истеъфоси:
-“Бирлашган Россия” партияси ва Путиннинг бошқа тарафдорлари сафини тозалаш:
-Сўз эркинлиги, сайлов, йиғилиш ва иттифоқлар эркинлигини қайтариш:
– Барча сиёсий маҳбусларни озод қилиш. Сиёсий қотилликда айбдор бўлганларни жазолаш, талабларини илгари суришди.
Бундан ташқари норозилик намойишида ўнг қанот партиялари ва бошқа рус миллий ташкилотлари тарафдорлари иштирок этишди.
Намойишчилар олдида сўзга чиққан миллий-демократ Владимир Милов йиғилганларни намойишни давом эттиришга чақириб, шўролар тузуми инқирозга юз тутгани каби Путин режими ҳам инқирозга учрашини айтиб ўтди.
Одатда бўлгани каби, бу сафар ҳам расмий ҳукумат нарозилик намойишига 4 мингга яқин одам йиғилганини айтган бўлса, уюштирувчилар аризада кўрсатилаган 40 минг кишидан озроқ одам тўпланганини, бетараф кузатувчилар маълумотига кўра, 7 мингга яқин одам иштирок этган.
