Россия узоқ вақт мобайнида Суриядаги ҳарбий иштироки, Сурия жаллоди Башар Асадни ҳарбий жиҳатдан қўллаб-қувватлаб келгаётганини яширишга ҳаракат қилиб келди. Бироқ бу уринишлари натижа бермагач, Башар режимини ҳарбий техникалар билан таъминлаб келганини тан олган бўлсада ҳарбийлар жўнатганини инкор этмоқчи бўлди. Аммо буни ҳам уддасидан чиқа олмади. Бугунга келиб эса рус ҳарбийлари ичида Сурияга боришдан бўйинтовлаш авж олиб бораётгани маълум бўлди.
“Газета.ru” нашрининг хабар қилишича, Россия Сурияга ҳарбий техника ва ҳарбийларни жўнатмоқда, аммо ҳамма ҳарбийлар ҳам жанг қилишни хоҳлаётганлари йўқ, айримлари эса Сурияга боришдан бош тортмоқдалар.
Нашрнинг хабар қилишича, 17 август куни РФ Шарқий ҳарбий округи қўмондонлиги “энг истиқболли” бўлган шартнома асосида хизмат ўтаётган 20 нафар ҳарбийларни тўплаган. Улар ҳарбий техникаларни юклаш учун 27 август куни Новороссийск яқинидаги Тоннельная станциясига боришлари керак бўлган. Аммо Навороссийскка жўнашлари арафасида командири уларни ҳарбий қисмда тўплаган ва “иссиқ мамлакатга” жўнатишлари мумкинлигини айтган.
“Ҳарбий қисмда бизлар билан командирларимиз суҳбат ўтказди. Улар бизга борадиган мамлакатимиз жуда иссиқ бўлишини, шахсий гигиенани унитмаслигимизни ва ҳарбий қисмдан бир қадам ҳам чиқмасликни айтишди, шунингдек, асрга тушиб қолганимизда ва сўроқ вақтида ўзимизни қандай тутишимизни тушинтириб ўтишди. У ерда бизлар учун ноқулай иқлим шароити, илонлар кўп эканлигини айтишди. Аммо Бош штабнинг махфий кўрсатмаси эканлигига ишора қилиб, айнан қаерга жўнатишаётганини айтишмади”, – деди Сурияга боришдан бош тортган ҳарбийлардан бири.
Бундан ташқари, ҳарбий хизматчи Алаксей Н.нинг нашрга айтишича, янги йиғилган гуруҳга янги қурол-яроқлар жуда тез расмийлаштирилган. Аслида эса рус армиясида бундай қоғозбозлик ишлари бир неча ой вақтни олиши мумкин, аммо бу сафар барча зарур ҳужжатлар саноқли соатларда тайёр бўлган.
Аликсейнинг айтишича, аввалига ҳарбийлар уларни Краснодарск ўлкасидаги Темрюк шаҳрига олиб боришади деб ўйлашган. Кейинчалик, поездда Ростов сари юришгач, Донбассга деб таҳмин қилишган, аммо уларни Сурияга жўнатишаётган экан.
16 сентябр куни ҳарбий қисмга Бош штаб вакили келган ва Сурияга жўнатиш ҳақидаги буюруқ махфий эканлигини айтган. У ротани Суриядаги Латакия шаҳрига жўнатилишини ва ҳарбий ҳаракатларда иштирок этиш мумкинлигини истисно қилмаган.
Шартнома асосида хизмат ўтаётган ҳарбийлар расмий равишда бу сафардан бош тортишга ёки бўшаш ҳақидаги ариза ёзишга қарор қилишган. Бироқ навбатчи зобит уларнинг аризаларини қабул қилишдан бош тортган.
