Агарда қочқинлар оқими тўхтатилмаса, Европа насронийлари озчиликка айланиб қолади, Европа Иттифоқининг бир хиллиги эса йўқолади, деди Венгрия бош вазири Виктор Орбан Bild газетасига берган интервьюсида.
“Европалик сиёсатдонлар айни пайтда ширин хаёллар дунёсида яшамоқда. Улар келгусида бизни қандай хавф-хатарлар кутаётганини тасаввур қилишгани йўқ. Покистон, Бангладеш, Мали, Эфиопия, Нигериядан келаётган оқимнинг чек-чегараси йўқ. Агарда уларнинг барчасига қўйиб берсак, Европа ҳалок бўлади. Мусулмонлар миграцияси натижасида келгусида улар Европада мутлақ кўпчиликни ташкил этади. Европа икки маданият ҳамкорлигига йўл қўйиб берса, насронийлар мағлуб бўлишади”, – деди бош вазир.
Орбан Германия канцлери Ангела Меркелни ҳам қочқинларни Венгрия ва Германияга ўтказишга рухсат бергани учун танқид қилди. Унинг фикрича, бу ҳолат мамлакатда алғов-далғовликни келтириб чиқаради. Муҳожирлар Германияга тезроқ ўтиб олиш учун полиция билан тўнашувлар содир этади.
Аввалроқ Орбан қочқинларга келган ерларига қайтиб кетишни тавсия қилган эди.
Туркистон:
Уч ёшли Айланнинг жасади Туркия қирғоғида топилгунга қадар куфр давлатлари қочқинлар масаласига эътибор бермай келишаётган эди. Айланнинг жонсиз сурати ижтимоий тармоқларда катта шов-шувларга сабаб бўлиб кетганидан сўнг мусулмонлар бошига ёғилаётган мусибатларни асосий сабабчилардан бўлган куфр давлатлари иложсизликдан қочқинларни қабул қилишга мажбур бўлишди.
Албатта, улар бу ишларни мусулмонларга раҳмилари келганидан эмас, балки ўзларини инсонпарвар қилиб кўрсатиш орқали дунё ҳамжамиятини, хусусан мусулмонларни кўзларини шамғалат қилиш учун амалга ошириб келишмоқда. Бу ишлар бир оз босилиб, ҳодисалар эскириши билан куфр давлатлари яна қайта қочқинлар масаласини унутишади ва қочиқнларни Европага кириб келишин яна қайта чеклай бошлашади. Бу ишни амалга ошириш учун куфр давлатлари ҳозирдан баҳоналар тайёрлашни бошлаб юборишди. “Sunday Express” нашри Европага қочқин қиёфасидаги 4 минг нафарга яқин “ИШИД” жангариси кириб олгани тўғрисида хабар тарқатиши ҳам куфр давлатлари томонидан қочқинлар муаммосини “ҳал қилишга” киришганидан далолат қилиб турипти.
