Қирғизистоннинг жанубий қисмида, ҳукумат вакиллари қонунни оёғ ости қилиб юборишди. Буни кўриб турган орган ходимлари ҳам жуда ҳаддиларидан оша боришаяпти. Негаки ҳукумат вакиллари томонидан олиб борилаётган барча ифлос амалиётлар, ўша хавфсизлик тизимимизни ҳимоячилари бўлган куч структураларининг бирор тармоғи воситасида олиб борилади. Мисол учун, Рошод қори Камолов устида бораётган суд жараёни, у одамга қўйилган айбларнинг бирортаси тасдиқини топа олмаётгани, мантиққа лойиқ келмаётгани ва ҳар томонлама деярли барча диний арбоблар томонидан ва диний олим ёки экспер деб тан олинган ходимлар томонидан Рошод қорининг ҳаракат ва сўзлари ноқонуний эмас экани исботлаб бўлинганига қарамай, у кишини ҳатто суд жароёни мобайнида вақтинча уй қамоғига чиқаришга ҳам рухсат беришмаяпти. Бунақанги шармандалик суд жароёни, Қирғизистон ҳукуматчилигининг ўта заиф ва ночор эканига далолат қилади.
Ҳукуматнинг диндорларга қарата олиб бораётган бу каби носоғлом ҳатти ҳаракатларини кўриб билиб турган милиция ходимлари ҳам улардан ўрнак олиб, Ўш вилояти бўйлаб жамиятнинг заиф қатлам вакиллари бўлган асосан Ўзбек миллати вакиллари фарзандларини ноқонуний ёки қонунни ўзларига муносиб қилиб бурмалаб олиб бир четдан яна тўнай бошлашди.
20 август куни, Ўш вилояти ИИБнинг 10 бўлим ходимлари томонидан, Қорасув туманида истиқомат қилувчи Нурматов Абдуллоҳ исмли йигит қўлга олинган. Абдуллоҳнинг отаси Нурматов Мамиржоннинг “Kloop.kg” корреспондентига берган маълумотига кўра, милиция ходимлари унинг ўғлини “одноклассники” ижтимоий тармоқда бировларнинг қўйган маълумотларига класс босгани учун қўлга олишган.
Улар Абдуллоҳни маҳкамага олиб бориб, уни Суриядаги қандайдир номаълум одамдарга қўнғироқ чалишга ва гаплашишга мажбур қилишган. Қаттиқ калтаклашгани сабаб, Абдуллоҳ Қорасув район касалхонасига ётиб даволанишга мажбур бўлиб қолади. Шу кундан бошлаб юқоридаги амалиётни олиб борган тўрт милиция ходими, бу ишни эплаб ёпиб юбориш учун бир қатор келишиш учун ҳаракатлар олиб боришган.
Мамиржон Нурматов уларнинг ҳаракатларига рад жавобини бериб, бу ишни кенг жамоатчиликка тарқатиб юбориш билан бир қаторда Призидентга ва бошқа юқори ловозим эгаларига мактуб орқали мурожаатнома ёзиб юборади. Лекин натижа у киши кутгандан бошқачароқ тус олиб кетади. Призидент ва жамоатчилик юзига оёғ қўйиб, юқоридаги тўрт милиция ходимлари ўзлари иштирок этиб, 10 сентябр куни ДМХХ (Давлат миллий хавфсизлик хизмати) вакиллари воситасида, Абдуллоҳ Нурматовнинг номига Суддан санкция олиб бостириб келишади. Энди улар очиқ қасосс олиш учун, бутун куч структураларини ишга сола бошлашди.
Бунинг учун албатта уларда, ҳатто ДМХХ ташкилотини ҳам ишга солиб юбора оладиган юқорида ҳомийлари бор экани аниқ. Балки ҳатто уларни ҳукуматнинг ўзи мусулмонларга қарши ёллаб ишлатиб келаётган бўлиши ҳам эҳтимолдан ҳоли эмас.
Улар маҳаллани спецназ ёрдами билан ҳар томонидан тўсиб олишиб, Нурматовлар уйида тақрибан 4 соат ваҳимали тинтув ўтказишади. Тинтув жароёнида Нурматовлар хонадонидан деярли ноқонуний ҳеч нарса топиша олишмайди. Шунга қарамай ўша куни Абдуллоҳ, ДМХХ қамоқхонасига қамаб қўйилди.
Нурматов Мамуржон каби чин иймонли инсонлар, жамиятдаги бораётган ифлос унсурлар учун улкан тўғаноқ бўлиб келади. Улар ўз харажатларини сарф қилиб, жонларини хавф остига қўйиб, қамоқхоналарда маҳбус бўлиб, бошқа юзлаган, бошига шу каби иш тушганида минглаган доллор пул тўлаб ишни ёпиб юборган мусулмонлар учун ёки ҳали фарзанди у ифлос ходимлар қўлига тушмаган оталар учун қолқон бўлиб келишади. Оллоҳ у каби Мусулмон биродарлардан рози бўлсин ва уларга нусрат бериб, ишларида собит ва ғолиб қилсин.
Бу каби очиқ зулмларга гувоҳ бўлиб турган мусулмонлар учун, ҳеч бўлмаганда бу эр юрак биродарларимиздан ўрнак олиб биз ҳам бу каби золимларни жамиятдан суриб чиқариш учун ҳаракат қилишимиз вожиб бўлади. Ҳеч бўлмаганда у золимларни қалбимизда ёмон кўриб, бир сўз билан бўлса ҳам имкониятимиз даражасида мазлумларга ёрдам кўрсатишимиз вожиб.
Пайғамбаримиз САВ “мункар ишни кўрсаларинг қўлларинг билан қайтаринглар, қўлларинг билан қайтара олмасаларинг тилларинг билан, унга ҳам қодир бўлмасаларинг дилларинг билан ёмон кўринглар лекин бу иймоннинг энг заифи”дедилар.
