АҚШ давлат котибининг Жанубий ва Марказий Осиё масалалари бўйича ёрдамчиси Ниша Бисвал чоршанба куни Қирғизистонга ташриф буюриб, Ташқи ишлар вазири Эрлан Абдилдаев ва президент аппарати ташқи сиёсат бўлими бошлиғи Сапар Исақов билан учрашди.
АҚШнинг Қирғизистондаги элчихонаси хабарига кўра, Ниша Бисвалнинг сафари пайшанба куни ҳам давом этади. Бисвал Жанубий ва Марказий Осиё мамлакатлари билан кенгайиб бораётган ва давом этаётган ҳамкорлик, шу жумладан ишбилармон доираларни қўллаб-қувватлаш масалаларин муҳокама қилиш мақсадида ҳукумат вакиллари, ишбилармон ва талабалар билан ҳам учрашувлар ўтказади.
Қирғизистон ташқи ишлар вазирлиги матбуот хизматининг хабар қилишича, Абдилдаев ва Бисвал иккитомонлама ҳамкорликни ҳозирги вазияти ҳамда кун тартибидаги халқаро ва минтақавий масалаларни муҳокама қилишди.
Туркистон:
Сўнги вақтларда Қирғизистон ҳукумати ташқи сиёсатда икки давлат этагини тутишдан юз ўгириб Россия билан имкон қадар яқинлашишга ҳаракат қилиб келмоқда. Россия билан яқинлашиш эса табиийки АҚШ билан муносабатлари совуқлашишига олиб келади. Албатта, бу ишларнинг барчаси Қирғизистон ҳукуматининг ўз ихтиёри билан эмас, балки Россиянинг кучли босими билан амалга ошириляпти.
Россия анча вақтдан бери қирғиз ҳукуматидан АҚШ билан алоқаларини узишни талаб қилиб келаётгани маълум. Россиянинг бу талабини қондириш учун 15 июл куни АҚШ давлат департаменти томонидан Азимжон Асқаровни “Инсон ҳуқуқлари ҳимоячиси” мукофоти билан тақдирланиши жуда қўл келди. Азимжон Асқаров мукофотланиши Қирғизистон ҳукумати бундан 22 йил аввал имзоланган ҳукуматлараро ҳамкорлик келишувини бир томонлама бекор қилди.
Ниша Бисвалнинг ташрифи эса бекор қилинган келишувни қайта тиклаш ва қирғиз ҳукуматни “ювош торттириш”га бўлган ҳаракатлардан бири бўлиши мумкин.
