“CA-NEWS”нинг хабар қилишича, АҚШ ҳукумати Эрон, Сурия ва Шимолий Кореяга ядровий қуролларни тарқатмаслик тўғрисидаги қонунни бузганлиги учун Россиянинг бир қатор мудофаа компанияларига нисбатан санциялар эълон қилди. Ҳужжат ҳозирча расмий чоп этилмаган бўлиб, унинг чоршанба куни эълон қилиниши режалаштирилган.
АҚШ ҳукумати “қора рўйхати”га “Рособоронэкспорт”, “МиГ” самолётсозлик корпорацияси, Туладаги “Асбобсозлик конструкторлик бюроси”, “Катод” компанияси ва “НПО машиностроения” корпорациясилари тушган бўлиб, санкциялар бу компанияларнинг барча бўлим ва филиалларига нисбатан ҳам жорий этилади.
АҚШ ҳукуматининг ҳисоблашича, қора рўйхатга тушган компаниялар ракета технологиялари ва оммавий қирғин қуролларини ишлаб чиқаришга ўз ҳиссаларини қўшган. Ҳужжатда қайд қилинишича, АҚШдаги ҳукуматга қарашли муассасаларнинг бирортаси ҳам санаб ўтилган компаниялар билан ҳар қандай товар ва технология етказиб бериш, хизмат кўрсатиш бўйича шартнома тузишлари мумкин эмас.
Янги санкциялар Хитой, Эрон, Судан, Сурия, Туркия ва Бирлашган Араб амирликларидаги айрим компанияларга нисбатан ҳам жорий этилган.