Туркия ҳукумати АҚШнинг Сурияда амалга оширадиган ҳужумлари учун Инжирлик ҳаво базасидан фойдаланишга расман изн бериши ортидан АҚШга оид ҳарбий самалётлар базага жойлаштирила бошлади. Бир неча кун аввал АҚШнинг 6 дона F-16 русумли қирувчи самалётлари Инжирлик ҳаво базасига келиб қўнди. Уларнинг ортидан яна икки дона C-5 ва KC-135 қирувчи самалётлар ҳам Инжирликка жойлаштирилди. Ўтган ҳафтадан эътиборан 300 ҳарбий мутахассис олиб келина бошлади. Режага кўра, ортда қолган 24 дона ҳарбий самалётлар ҳам якин кунларда Инжирликда бўлади.
АҚШ бошчилигида турли давлатлардан ташқил топган коалицияга яқинда Туркия ҳам расман қўшилди. АҚШ ва Туркия расмийлари минтақадаги “террорист”ларга қарши зарба бериш учун шундай қадам ташлаётганликларини даъво қилишмоқда.
Аммо куни кеча айнан мана шу Инжирлик ҳарбий базасидан ҳавога кўтарилган АҚШнинг қирувчи самалётлари тинч фуқароларни қирғин қилди. Суриянинг Идлиб шаҳрига қарашли Атме ҳудудида тинч фуқаролар колиция ҳужумларининг қурбонига айланди. Маҳаллий манбаларнинг билдиришича, ҳаво ҳужуми оқибатида тинч аҳолидан камида 16 киши ҳалок бўлган. Оғир жароҳат олганлар ҳам бор. Ҳалок бўлганларнинг сони яна ортиши мумкин.
Атме минтақаси Туркия ҳудудларидан 2км узоқликда жойлашган. Туркияга чегарадош минтақа бўлганлиги учун Суриядан уй-жойларини ташлаб чиққан минглаган қочқинлар айнан шу ерга жойлашганлар. 70 мингга яқин қочқинлар жон сақлаётган Атмеда АҚШ ҳужуми ортидан хавотирлар анча кучайгани айтилмоқда.
