АҚШ идораси Эрон ва 5+1 давлатлари ўртасида тузилган ядро битимига қўшимча равишда жамоатчиликка ошкор қилинмаган бошқа махфий битимлар ҳам тузилганлигини тан олди. АҚШ президенти Барак Обаманинг миллий хавфсизлик бўйича маслаҳатчиси Сюзан Райс журналистларнинг Эрон ядро дастури устида тузилган битимга алоқадор саволларига жавоб берар экан, бундай махфий битим мавжудлигини тасдиқлади. Райсга кўра, жамоатчиликка ошкор қилинмаган мазкур битим Теҳрон ядровий дастурининг ҳарбий жиҳатларини ҳам ўз ичига олади.
Сюзан Райснинг таъкидлашича, бундай қўшимча битимлар жамоатчиликка очиқланмайди. Ҳатто Обама идораси тарафидан АҚШ конгресига ҳам ёпиқ шаклда тақдим қилинганлигини билдирган Райс “Бу ерда бизга маълум бўлган, аммо конгрес билмаган ҳеч қандай нарса йўқ”, дея қўшимча қилди.
Эрон билан МАГАТЕ ўртасида тузилган махфий битимлар Вошингтонда ҳокимиятни эгаллаб турган табақа билан конгресменлар ўртасида ядровий битимга доир келишмовчиликларга сабаб бўлаётгани айтилмоқда. Эрон ядровий дастури устида тузилган битимга шубҳа билан қараётган конгрес аъзолари давлат бошқарувидаги шахсларни ядровий битимга оид айрим маълумотларни яширганликда айбламоқдалар. Ядровий битим конгресда сентябр ойларининг бошларида овозга қўйилиши кутилмоқда.
