Бишкек шаҳар Ички ишлар бош бошқармаси (ИИББ) матбуот хизматининг хабар қилишича, ИИВ 10 бўлим ходимлари томонидан Бишкек шаҳрида Ҳизб ут-Таҳрир аъзолари қўлга олинди.
Бошқарманинг маълум қилишича, ИИББ 10- бўлими томонидан Бишкек шаҳрида диний экстремистик ва террористик ҳаракатлар ёйилишини олдини олиш мақсадида 21 июндан 28 июнга қадар “Экстремист” номи остида тезкор-қидирув ва профлактик чора-тадбирлари олиб борилган.
Тадбир давомида пойтахт ҳудудида диний экстремистик мазмундаги адабиётларни тарқатиш бўйича еттита ҳолат аниқланган ва Ҳизб ут-Таҳрирнинг икки “ячейка”си фош қилинган бўлиб, улардан бири ташкилотнинг аёллар қанотидан иборат.
Расмий ҳукумат мутамлакачи куфр давлатлари ажратадиган арзимаган моддий бойликларни қўлга киритиш, улардан олқиш олиш илинжида Ислом ва мусулмонларга қарши олиб бораётган курашида муборак Рамазон ойининг хурматини сақлашни ҳам унитиб қўймоқда.
Аввалроқ Қирғизистон Бош вазири Темир Сариев мадрасаларда жиддий текширишлар олиб борилиши зарурлигини таъкидлаб, бу вазифани ИИВ ва МХДҚ зиммасига юклаган эди. Ўз навбатида куч органлари уларнинг буйриқларини бажариш йўлида ортиқча жонбозлик кўрсатиб юборишаётгани ва бу буйриқлардан моддий бойлик орттириб олиш пайида бўлишаётгани ҳеч кимга сир эмас. Албатта, бундайлар куч органлари сафида кўпчиликни ташкил этмасада, шоли курмаксиз бўлмаганидек, учраб тургани маълум.
Шундай экан биз куч органларига ҳам, уларга шундай буйриқ ва кўрсатма бераётган сиёсатчиларга ҳам вақт борида эсларини йиғишларини, улуғ Рамазон ойида мусулмонлардан дуои бад эмас, аксинча дуои ҳайр олишларини маслахат берган бўлар эдик.
Пайғамбаримиз Муҳаммад саллоллаҳу алайҳи ва салламдан ривоят қилинган ҳадисда:
“Мазлумнинг дуосидан қўрқинглар. Чунки у билан Аллоҳ ўртасида тўсиқ-парда бўлмайди”. деганлар.
(Имом Термизий ривояти).