Ўзбекистон президенти Ислом Каримов 2010 йилдаги Ўш воқеалари ҳозиргача тергов қилинмаганидан норози. У бу фикрини БМТ бош котиби Пан Ги Муннинг Ўзбекистонга ташрифи давомида билдирди.
Пан Ги Мун билан Кўксаройдаги учрашувда Ислом Каримов дарҳол Ўш воқеалари ҳақида сўз очди. Каримов: “2010 йилда Қирғизистон жанубида бўлган низони воқеалар эмас, балки уруш деб аташ мумкин, чунки у ердаги этник тўқнашувларнинг юқори даражали кескинлашуви кузатилди. Лекин Қирғизистон ҳукумати бўлган воқеа бўйича ҳеч қандай хулоса бермади. Ким урушни бошлаган, ким буйруқни бажарганлиги тергов қилинмади. Бу муаммо нафақат қирғиз ва ўзбек томонлари учун, балки бутун Ўрта Осиё учун ҳам муҳим масаладир. Агар жиноий иш қўзғатилиб, тергов тугатилмас экан, Ўрта Осиёда инсон ҳуқуқлари ва барқарорлик тўғрисида гапиришнинг кераги йўқ”, – деди ва Пан Ги Мундан Ўш воқеаларига халқаро даражада ҳуқуқий баҳо беришда кўмаклашишни сўради.
Шунингдек, Ислом Каримов Ўш воқеалари пайтида Ўзбекистон ўз чегарасига қочиб келган 110 мингта ўзбекларни қабул қилганини таъкидлади ва журналистларга қарата: “Бу маълумотни яхшилаб эслаб қолинглар”, – деди.
Ўзбек президенти Пан Ги Мунга, унинг Ўшга қилган сафарини шахсан кузатганлигини, лекин аҳоли билан учрашув вақтида Ўш воқеаларига ҳуқуқий баҳо беришнинг зарурлиги тўғрисидаги масалани кўтарганлигини кўрмаганини шама қилди. Каримов Ўш воқеалари ҳақида гапираётганда туйғуларга берилганлиги сезилди.
Манбаа: Кyrgyztoday.kg
Туркистон:
2010 йилдаги Ош воқеалари, 2005 йилда рўй берган Андижон воқеаси сингари очилмай, унга халқаро баҳо берилмай келаяпти.
Пан Ги Мун эгаллаб келаётган БМТ ташкилоти эса, ҳар қандай бошқа халқаро ташкилотлар каби, ўз асосчиларининг манфаатлари асосида ҳаракат олиб боришади. Юқоридаги воқеъликни мисол қиладиган бўлсак. Қирғизистон, Россиянинг таъсири остига қараб бир неча ўйламай қадамлар ташлаб юборди. Бу кўринишлар, Евро Осиё иттифоқи ташкилотига аъзо бўлиб олиши ва инсон ҳуқуқларини ҳимоя қилувчи ташкилотларга бўлган бир қатор кескин ва совуқ муносабатлари каби бир неча ҳаракатларида ифода этиб келаяпти.
Пан Ги Мун, бутун дунё номидан, Қирғизистонга, инсон ҳуқуқлари оёғости бўлаётган давлат деб баҳо берди. Бу баҳони у, Ўзбекистонда, Каримов сингари бутун дунё тан олган ваҳший диктатор ҳузурида, унинг фикрларини маъқуллаб туриб дунё матбуоти орқали баёнот берди.
Ўзбекистонда Пан Ги Мун халқ вакиллари билан учрашгани ҳам йўқ. Андижон воқеаси ҳақида, у жиноятга ҳам халқаро баҳо берилмай келаётгани ҳақида оғиз очишдан ҳам қўрқди. Тўғриси, Каримовдан эмас, балки Абамадан қўрқди. Негаки унга чизилган чизиқ бўйича, Қирғизистонга босим бериш, Каримов билан шу босимда ҳамкорлик алоқаларини муҳокама қилиш ва алоқани мустаҳкамлаш каби муҳим масулият юклатилган эди.
Қирғизистонда инсон ҳуқуқлари ҳақиқатдан ҳам бузилаяпти. Лекин Пан Ги Мун жанобларининг ихтиёри ўзида бўлганида, Марказий Африка давлатларига сафар қилармиди. У ерда мушриклар Мусулмонларни тириклайин ёқиб юборишаяпти. Осиё давлатларида ҳам (Мьянмар-Бирма) бутпарастлар Мусулмонларни ўз юртларида ўта ваҳший услублар билан қувиб чиқаришаяпти. Мусулмонларни тирик ёқиб юборишаяпти. Атроф қўшни давлатлар уларни қабул қилишмаяпти.
БМТ АҚШнинг дунёни забт этиш қуроли бўлмаганида эди, Пан Ги Мун Ўзбек режими билан алоқаси узулиб қолишидан бунчалар қўрқиб муомила қилмаган, уни олиб бораётган ифлос сиёсати натижаларини тўғри Каримовнинг юзига айта олган бўлар эди. Юқоридаги геноцид қилинаётган, тўғрироғи шу геноцидлар бошланиши ва давом этиши учун йўл очиб берган бир қатор катта куфр давлатлар тўсқинлик қилиб туришмаганида эди, балки Пан Ги Мунни Ўрта Осиёда тентираб юришга вақти бўлмаган бўлармиди!
