Туркия президенти Ражаб Тоййиб Эрдоган Озарбайжон президенти Илҳом Алиевнинг таклифига биноан Бакуга ташриф буюрди. “Европа ўйинлари”нинг очилиш маросимига иштирок этган Эрдоган ўзининг бир қанча учрашувлари доирасида баъзи давлатларнинг раҳбарлари билан алоҳида, яккама-якка учрашувлар ҳам ўтказди.
Маросимнинг иккинчи кунида президент Эрдоган Россия президенти Владимир Путин билан учрашди. Эрдоган жойлашган “Four Seasons” меҳмонхонасида бўлиб ўтган учрашув матбуот учун ёпиқ шаклда бўлиб ўтди. Сўнгра бу учрашув матбуот вакилларининг суратга ола бошлаганидан тортиб яна 1,5 соатга яқин давом этди. Учрашувда Эрдагонга Туркия ташқи ишлар вазири Мавлут Чувашўғли, энергетика ва табиий бойликлар вазири Танер Юлдуз, президентлик бош котибининг ёрдамчиси Иброҳим Калин, транспорт ва денгизчилик алоқаларининг собиқ вазири Бинали Йилдирим ҳамроҳ бўлди. Путинга эса Россия ташқи ишлар вазири Сергей Лавров ҳамроҳлик қилди.
Туркия Президентига қарашли манбадан олинган маълумотга кўра, Эрдоган ва Путин учрашувда икки тарафлама ўзаро алоқалар билан бир қаторда халқаро мавзулар борасида ҳам фикр алмашганлар. Икки раҳбар Туркия ва Россия ўртасида турли соҳаларда, хусусан энергитика соҳасида ҳамкорликни йўлга қўйиш, иқтисодий алоқаларни кучайтириш ва тижорат ҳажмини отрттириш лозимлигини таъкидлаганлар. Сурия, Украина, Қрим масалалари ва Татаристондаги вазият ҳам бошқа мавзулар қаторида муҳокама қилинган.
Эрдоган “Европа ўйинлари” гўзал маросим билан бошланганини юқори баҳолар экан, бироқ номи “Европа ўйинлари” бўлгани билан Европадан бирор давлатнинг раҳбари бу маросимга иштирок этмаётганлига эътиборни жалб қилди. Россия президенти Путин ҳам бу борада сўз очиб “Туркия Европа иттифоқининг аъзоси сифатида ундан вакил бўлиб келди”, деди. Президент Эрдоган Путиннинг бу сўзига жавобан Туркия ҳозирги пайтда Европа иттифоқининг аъзоси эмаслигини, Бироқ аъзо бўлиш йўлида музокаралар давом этаётганини тилга олиб ўтди.