Босқинчи Хитой ҳукумати 1949 йили Шарқий Туркистонни мустамлака қилиб олганидан буён Ислом ва мусулмонларга қарши олиб бораётган жирканч ва ёвуз курашини йилдан-йилга кучайтириб бормоқда.
Мустабид ҳукумат дастлаб мусулмон уйғурлар сонини қисқартириш мақсадида “Бир оилага – бир бола” сиёсатини мажбуран татбиқ этган бўлса, бошқа ёқдан минтақага Хитой ханларини оммавий кўчириб кела бошлади. Бунинг натижасида минтақада кўпчиликни ташкил этувчи уйғур мусулмонлари сони кескин қисқариб кетди. Айрим маълумотларга кўра, сўнгги олтимиш йил ичида 25 миллионлик уйғур мусулмонлари 15 миллионга тушиб қолган. Бундан ташқари мушрик ҳукумат уйғурларни миллат сифатида йўқ қилиш мақсадида ханлар билан аралаш оила қуришни кенг тарғиб қилиб, бундай оилаларга моддий кўмак ва пул ваъда қилиб келмоқда.
Уйғур мусулмонлари сони ва кўпайишини чеклашга муваффақ бўлган босқинчи ҳукумат АҚШ томонидан саҳналаштирилган 2001 йил 11 сентябр ходисаларидан сўнг “диний экстремизм ва терроризмга барҳам бериш” деган ёлғон атамадан очиқдан-очиқ фойдаланиб Ислом ва мусулмонларга қарши курашини янада авж олдириб юборди. Бндан мақсад мусулмонларни ўзларининг мустаҳкам исломий эътиқодларидан воз кечишга мажбурлашдир. Бу мақсадда аввал масжид ва мадрасаларни ёпиш, Қуръон ва Ҳадисдан таълим берувчи имомлар ва илмли кишиларни таъқиб остига олган бўлса, кейинчалик сақол қўйган эркаклар ва исломий либос кийган аёлларни жамоат жойлари ва жамоат транспортларида юриши таъқиқланди. Фақат шу билан кифояланиб қолмаган мушрик ҳукумат давлат хизматчилари ёки 18 ёшга тўлмаган ҳар қандай шахсни масжидларга киришдан ман қилди, талабаларни, муаллимларни ва ҳукумат ходимларини рамазон ойида рўза тутишига тўсиқ қўйди. Диний уламоларни кўча ва майдонларда рақсга тушишга мажбур қилинди ва болаларга диний сабоқ бермаслик хусусида онт ичтирилди. Бу талабларни бажармаганларни таъқиб ва тазйиқ остига олиб, жарима ва ҳатто озодликдан маҳрум этиш жазоси билан жазолай бошлади.
Худосиз коммунистлар тарбиясини олган расмий ҳукумат эндиликда уйғур мусулмонлардан ўз дўкон ва ошхоналарида алкагол ва тамаки сотишни талаб қилмоқда.
“Би-би-си” радиосининг хабарига кўра, уйғур мусулмонларига ўз дўконларида алкогол, тамаки сотишни буюришган. Акс ҳолда дўконлари ёпилиб, ўзларининг жавобгарликка тортилишлари билан огоҳлантиришган.
Хабарларга кўра, бундай буйруқ билан ўтган ҳафта Шинжон-Уйғур бўлгасининг Хўтан шаҳридаги Оқтош қишлоғи масъуллари чиқишган. Улар ўз буйруқларини хос бир баёнотда ифодалашган.
‘Radio Free Asia’ қўлга киритишга имконли бўлган ва “Твиттер”да ҳам чоп этилгани айтилган баёнот тафсилотларидан аён бўлишича, Ласкўй бозоридаги маҳаллий уйғур дўкондорларидан беш хил турдаги алкогол ичимликлари ва тамаки маҳсулотларини сотишлари сўралган.
Бундан ташқари, ресторан ва дўкон соҳибларига бу махсулотларни расталарни энг кўзга кўринарли ерига жойлашлари ҳам айтилган.
Хабарларга кўра, буйруқни ижро этишлари учун “қишлоқдаги барча ресторан ва супермаркетларга шу йилнинг 1 май кунига қадар муҳлат берилган”.
Агар, ‘Radio Free Asia’нинг хабарларига таянилса, мазкур фармойиш Оқтош қишлоғи коммунистик партия қўмитаси томонидан имзоланган.
Унда буйруқнинг бошқарувдаги коммунистик партия юқори бўғинларидан келгани ва бундан мақсад аҳолига янада қулайлик яратиш экани айтилган.
Оқтош қишлоғидаги коммунистик партия мулозими Одил Сулаймоннинг сўзларига таянилса, янги сиёсатлари минтақада Ислом таъсирининг кучайишини олдини олиш мақсадини кўзлайди.
‘Radio Free Asia’ ўз хабарида бу масъулнинг сўзларига алоҳида тўхталиб ўтади.
Унда жаноб Сулаймон маҳаллий аҳолининг норозилиги боис, 2012 йилдан буён алкогол ва тамаки маҳсулотлари савдоси тўхтаб қолгани, ҳозир “минтақада диннинг таъсирини қирқиш йўлида кампания олиб боришаётгани ва сўнгги буйруқ ана шу ишларининг бир қисми экани”ни айтади.
Коммунистик партия мулозимига кўра, аксарият маҳаллий аҳоли спиртли ичимлик ва тамаки маҳсулотлари истеъмолидан ўзларини тийишаркан, ёшларнинг 70-80 фоизи ҳам уларнинг йўлини тутишган ва уларни ҳаром, деб билишади.
Мушрик ҳукумат томонидан олиб борилаётган бундай зулм ва қирғинларга қарамай уйғур мусулмонларининг ўз дин ва эътиқодларида сабот билан туришлари баттол режимнинг тинчини ўғирлаб қўйди. Шу сабабли ҳам расмий ҳукумат дунё ҳамжамияти сукути остида ўз жиноятларини давом эттириб келмоқда.
