Россия президенти Владимир Путин Америка халқи сайлаган ҳар қандай янги президент билан ҳамкорликда иш юритишга тайёр эканлигини билдирди. Чунки Путиннинг қайд этишича, Москва ва Вошингтон ўртасида ўзаро кун тартибига киритилган масалалар мавжуд.
Президент Путин Россиянинг “Вести” телеканалига берган интервьюсида келгуси йилда АҚШда ўтказиладиган президентлик сайловига доир берилган саволга жавоб берар экан, “Бу саволга анъанавий тарзда жавоб берадиган бўлсам, Америка халқи сайлаган ҳар қандай президент билан ҳамкорликда фаолият олиб борамиз. Чунки биз шахслар билан эмас, дунёнинг буюк ва таъсир кучига эга давлатларидан бири билан ҳамкорлик қилмоқдамиз”, дея қайд этди.
АҚШ билан Россия ўртасида баъзи халқаро мавзуларда, ҳусусан Ракета мудофаа тизими мавзусида ихтилофли кўзқарашлар мавжудлигини эслатиб ўтган Путин шундай бўлса-да икки давлат ўртасидаги алоқарни довом эттиришга тайёр эканлигини таъкидлади.
“Бизнинг ҳамкорлик қилишимизни лозим қилган нарса шуки, бу ерда кун тарибига қўйилган муштарак масалалар бор. Америка халқи сайлаган ҳар қандай президент билан ҳамкорлик қилишга тайёрмиз”, деди Россия президенти.
Путин Россиянинг Эронга С-300 русумли узоқ масофали ҳаво мудофаа тизимларини топширадиган бўлса, Исроил ҳам Украинага Қурол-аслаҳа юбориши борасидаги даъволарга оид саволга “Бу уларнинг танлови. Аммо бундай қилади деб ўйламайман. Бизнинг Эронга берадиганларимизга тўхталадиган бўлсак, улар фақатгина мудофаа қуролларидир. Бу эса Исроилнинг мудофааланишига зарар келтирмайди”, дея жавоб берди.