Ўтган ҳафта Россиянинг Санкт Петербург шаҳрида Россия хавфсизлик кучлари икки мусулмон йигитнинг уйига зўровонлик билан бостириб киришди. Босқин жараёнида уйларни тинтув қилган ҳуқуқ тартибот органлари ҳар бир мусулмоннинг уйида бўладиган исломий адабиётлардан бошқа ҳеч нарса топа олмади. Бироқ шундай бўлишига қарамай, Ҳизб-ут Таҳрир аъзоси бўлган Димитрий Михаилов ва Иса Раҳимовни мажбуран олиб кетилди.
Қамоққа олинган йигитлар Россия жиноят кодексининг 205,5 моддасига биноан, террорчи гуруҳга аъзо бўлиш ва шу гуруҳ таркибида фаолият олиб боришда айбланиб улар устидан жиноий иш қўзғатилди. Киров маҳкамаси тергор иши тугагунга қадар йигитларни бир ой қамоқда ушлаб туриш ҳақида қарор чиқарди.
Россияда фаолият олиб бораётган Ҳизб-ут Таҳрир уюшмасининг матбуот бўлими бу ҳақида баёнот чиқариб Россия миллий хавфсизлик кучларининг ўзбошимчаликларини танқид остига олди.
Баёнотда айтилишича, террорчиликда айбланиб қамоққа олинган мусулмон йигитлар ўзлари истиқомат қилаётган минтақанинг эътиборга лойиқ йигитларидан бўлган. Жамоатчилик ишлари ва жамият учун фойдали бўлган тадбирларда фаол иштирок этиб келган.
“Улар Мусулмонларни ва Исломий қадриятларни муҳофаза қилиш бўйича ташкил қилинадиган тадбирларда фаол иштирок этишарди. Атрофларидаги инсонларга Ислом даъватини етказар, яхшиликка буюриб ёмонликдан қайтришар эди. Улар мана шу мана холис ишлари учун айбдор ҳисобланиб қамоққа олинди”, дейилади жумладан баёнотда.
