Ташқи ишлар вазирлиги матбуот хизматининг хабар қилишича, Қирғизистон Ташқи ишлар вазири Эрлан Абдилдаев бошчилик қилаётган делегация мамлакатлар ўртасида ўтказиладиган йиллик икки томонлама маслахатлашувларда иштирок этиш учун Вашингтонга жўнаб кетди. Йиғилиш 8-10 апрел кунлари бўлиб ўтади.
Матбуот хизматига кўра, учрашув доирасида икки томонлама сиёсий, савдо-иқтисодий масалалари, шунингдек, хавфсизлик, демократия ва инсон ҳуқуқлари соҳасида ҳамкорлик масалалари мухокама қилинади.
Туркистон:
АҚШ ҳукумати Россия бошчилигида ташкил этилган Евроосиё иқтисодий иттифоқини кенгайишига йўл қўймаслик ва бешигидаёқ бўғиб ташлаш учун Қирғизистондан фойдаланишга жиддий эътибор қаратмоқда.
Қирғизистон куч органлари, жумладан Ички ишлар вазирлигидан фойдаланган ҳолда мамлкатда, хусусан унинг жанубий вилоятларида Ислом ва мусулмонларга қарши кенг кўламли курашни бошлади ва бу ҳаракатларни оқлаш учун АҚШ томондан илгари сурилган исломий хатарни қасддан бўрттириб кўрсатиш кампаниясини авж олдириб юборди. Бу ишда айниқса АҚШ конгресси томонидан молиялаштириб келинадиган “Озодлик” радиосининг қирғиз хизмати жонбозлик кўрсатиб келмоқда.
АҚШ тузиб берган лойиҳа бўйича ИИВ Ҳизб ут-Таҳрир аъзоларини таъқиб остига олиб, Шайх Рошод қори Камоловни асоссиз айбловлар билан қамоққа олди. Бу орқали АҚШ ва куч органлари мусулмонлардан салбий муносабат бўлишини ва ҳатто тартибсизликлар вужудга келишини кутишган эди. Аммо, уларнинг бу режаси иш бермади. Агар улар кутган режа амалга ошиб Қирғизистонда тартибсизликлар бошланиб кетганида ўз-ўзидан Қирғизистонни май ойидан Евроосиё иқтисодий иттифоқига аъзо бўлиши ва Россия ҳукмронлиги остида тузилган бу ташкилотнинг кенгайиши ва ҳатто мавжуд бўлиб қолиши савол остида қолар эди.
Аммо АҚШнинг бир режаси амалга ошмаган бўлсада, унга муқобил равишда тайёрлаб қўйган яна бошқа бир қанча режалари бўлиши табиий. Қирғизистондан АҚШга бири қўйиб, бири бораётган делегациялар ҳам, АҚШ расмий доираларидан берилаётган турли хил баёнотлар ҳам бунга далолат қилиб турипти. Шунинг учун ҳам Марказий Осиё республикалари раҳбарлари ва хусусан мусулмонлар ҳушёр бўлишмаса, АҚШ томонидан қўйилган бирорта қопқонга тушиб қолишлари мумкин.
