Саудия Арабистони бошчилигида Хусиларга қарши бошланган “Барқарор бўрон” ҳарбий амалиёти чоғида коалицияга оид ҳарбий самалётлар Ҳажжа шаҳридаги жамлоғни нишонга олгани айтилмоқда. Хабарларда айтилишича, ҳужум оқибатида тинч фуқаролардан 45 киши ҳалок бўлган ва ўнлаб кишилар оғир жароҳат олган.
Ҳукумат кучлари ва Ҳусилар ўртасида юз берган тўқнашув сабабли Саба шаҳридан қочиб чиққан тинч мусулмон оилалар Ҳажжа шаҳридаги қочқинлар жамлоғида истиқомат қилиб келаётган эди. Ҳужум ҳақида коалиция кучлари тарафидан ҳануз бирор баёнот берилмади.
Саудия Арабистони бошчилигида уюштирилган ҳужумларда Баҳрайн, Қатар, Қувайт, Бирлашган Араб Амирликлари, Марокаш, Судан, Иордания ва Миср давлатлари иштирок этмоқда. Миср қарашли тўрт ҳарбий кема Аден кўрфазига жойлаштирилган. “Daily Star” ахборот агентлигининг хабарига кўра, Покистон ҳам Ҳусиларга қарши ҳарбий амалиёт учун Саудия Арабистонига аскар юборади.
Судан қуролли кучларининг сўзчиси Исломий мажбуриятдан келиб чиқиб бу ҳужумда иштирок этаётганини изҳор қилди. Унинг даъво қилишича, мусулмонларнинг қибласи таҳлика остида қолган.
“Суданнинг бу ҳарбий амалиётга аралашуви Исломий масулият талабидир. Албатта, Судан бунга жим қараб тура олмайди. Чунки таҳлика мусулмонларнинг қибласи, ваҳий ва рисолатнинг марказига қаратилган”, деди Судан қуролли кучларининг сўзчиси.
Исломий ўлкаларга қарашли ҳарбий самалётлар ва кемалар Фаластинни ишғол қилиб келаётган яҳудийларга ҳужум қилиш ўрнига Яманни ер билан яксон қилиш учун ҳаракатга келишди. Аслида яҳудийлар уларга Саба шаҳридан кўра анча яқинроқ эди. Бунинг устига ҳеч қандай босқинга учрамаган мусулмонларнинг қибласини ҳимоя қилишни рўкач қилиш ва айни пайтда яҳудлар босқинига учраб, ёрдам сўраб йиғлаб фарёд қилаётган мусулмонларнинг илк қибласини эътиборсиз ташлаб қўйиш нақадар ҳақиқатга тўғри келади?! Бугун Яманда тинч аҳолини ҳужумга тутган Мусулмон давлатларининг ҳарбий самалётлари ўтган йили Ғазодаги мусулмонлар яҳудлар тарафидан қирғин қилинган пайтда жойидан бир қўзғалиб ҳам қўйишга ҳам ярамади. Ваҳолангки, Аллоҳ Таолонинг наздида Каъбанинг вайрон бўлиб кетиши биргина мусулмоннинг ноҳақ ўлдирилишидан кўра енгилроқдир. Росулуллоҳ с.а.в. айтадилар:
«لَهَدْمُ الْكَعْبَةِ حَجَراً حَجَراً أَهْوَنُ مِنْ قَتْلِ الْمُسْلِمِ»
«Аниқки, Каъбанинг тошма-тош бузилиши бир мусулмоннинг ўлдирилишидан кўра енгилроқдир».