АҚШ ҳукумати Ўрта Осиёга алоқадор стротегиясини янгидан кўриб чиқиши ва яқин кунларда бу ҳақида жамоатчиликка маълум қилиниши айтилмоқда.
Ўрта Осиё минтақаси бўйича мутахассисларнинг билдиришича, 2001 йилдан то ҳозирги пайтгача АҚШнинг Ўрта Осиёда юргизиб келаётган сиёсати Афғонистондаги жангларга боғлиқ ҳолда олиб борилган. Энди янги стротегия ишга солиниши айтилмоқда.
АҚШ ташқи ишлар вазирлигининг матбуот котиби қисқача баёнот чиқариб, янги даврда минтақадаги хавфсизлик стротегиясида ўзгариш юз бермаслигини очиқлади. Баёнотга кўра, бунга қўшимча равишда минтақа иқтисодиётини жаҳон бозорларига олиб чиқиш, инсон ҳуқуқларини ҳимоя қилиш ва демократик бошқарувни ривожлантириш каби мавзуларда Ўрта Осиё ҳукуматлари билан ҳамкорлик қилиш давом эттирилади.
АҚШ янги даврда хусусан минтақанинг тарихий йўналишини белгилаган “Ипак йўли” лойиҳасини кучайтиришни олға сурмоқда. Унга кўра, бу лойиҳа Ўрта Осиёнинг хавфсизлигига ўз ҳиссасини қўшади. Бу билан Ўрта Осиё давлатлари жаҳон бозорида эски ўрнини янидан эгаллаши ва халқаро тижорат чорраҳасига қайтиши мумкин.
Таҳлилчиларнинг фикрича, АҚШнинг Ўрта Осиёдаги стротегиясини янгидан белгилашида Россиянинг Украина тупроқ яхлитлигига нисбатан уринишлари ва собиқ Советлар иттифоқига қарашли ерлардаги ҳатти ҳаракатлари фаол таъсир кучига эга бўлади.
Туркистон:
АҚШ, Россия олиб бораётган Туркманистон ва Боткен вилоятларида чиқараётган сунъий ваҳималари ортидан, минтақадаги ҳарбий мустамлакасини кучайтириб олмоқчи бўлаётганидан хавотирга тушган кўринади. Демак АҚШ яна Россияга қарши Хитой билан олиб борадиган “ипак йўли” лоиҳасини илгари сурмоқчи. Россия ҳозир Украина воқеъаларидан анча ҳолсизлана бошлади. у асосан ҳарбий томонлама ўз мустамлака юртларини ушлаб қолмоқчи бўлади. Чунки сиёсий, иқтисодий ва сақофий томонлама у дунёда ўз вазнини ўта тез сурат билан йўқотиб бораяпти.
Энди АҚШ бошчилигида кўтариб келинаётган ИШИД ваҳимаси бироз пасайтирилади. Чунки Россия хам бу ваҳимадан фойдаланиб, минтақадаги ҳарбий қувватларини мустаҳкамлай бошлади.
