Президент аппарати ташқи сиёсат бўлими бошлиғи Сапар Исақовнинг хабар қилишича,
Алмазбек Атамбаевнинг Францияга ташрифи Қирғизистон президенти тарихдаги биринчи сафар бўлади.
Унинг сўзларига кўра, президентнинг Европага саёҳати 22 мартдан бошланади, биринчи ташриф Австрияга, кейин Францияда бўлиб ҳамкасби билан учрашади, Швейцарияда ҳам президент ва ташқи ишлар вазири билан учрашади, шунингдек А. Атамбаевнинг Брюсселда (Бельгия) Европа Иттифоқи вакиллари билан икки томонлама ишчи учрашувлари бўлиб ўтиши кўзда тутилган ва 1 апрел куни Германия президенти ва канцлери билан икки томонлама учрашувлари билан саёҳат ниҳоясига етади.
“Бу президентимизнинг мисли кўрилмаган сафаридир. Бу мамлакат танлаган, мамлакатда юз бераётган ислоҳотларни Европа Иттифоқи қўллаб-қувватлаётганига ишорадир. Кўриб турганингиздек, президент Европа Иттифоқининг етакчи давлатларига ташриф буюради, ташриф дастури жуда кенг, биринчи навбатда биз сиёсий диалогни яқиндан йўлга қўймоқчимиз, унинг доирасида биз ташриф дастуридаги барча масалалар, Қирғизистоннинг ички ҳамда унинг ташқи ва халқаро сиёсати, шунингдек Қирғизистонда ўтказилиши кўзда тутилаётган парламент сайловларини муҳокама қилмоқчимиз. Бу соҳада Европа давлатлари бизни ҳам молиявий, ҳам техник тарафдан қўллаб-қувватламоқдалар”, деди Сапар Исақов.
Туркистон:
Атамбаев ҳам ҳудди Назарбаев сингари Путинни 10 кун бедарак йўқолиши ортидан Россияга бўлган қаттиқ ишончини йўқота бошлаган кўринади. Назарбоев Туркияда бўлиб ўтган туркийзабон халқлар анжуманида СССР ва Россияни юртларимизга бостириб кирган босқинчилар деган эди. Сиёсий тахлилчилар Назарбоевнинг нутқида Евроосиё иқтисодий иттифоқига хилоф таклиф ва истаклар билдирганини айтишмоқда.
Россиянинг сиёсий элитаси ўртасида бир нарса бўлганини ҳамма сезиб турибди. Кечаги маълумотларга кўра, Россия урушни Кавказ томон суриб юбориши мумкинлиги айтилмоқда. Яна Ўрта Осиёдаги ҳарбий қувватини ҳам бир неча баробарга кўпайтириши мумкин.
Бу Кремлда махфий давлат ағдарилиши бўлганини ва АҚШ билан тил бириктирган кучларнинг қўли баланд келиб, Путинни ўз мақсадлари томон юргиза олганларини англатган бўлар эди. Чунки, Россия Украинадаги норасмий урушда ўз аскарлари билан тиқилиб қолди. Бундан ташқари Россияни капиталистлар ўрнига олигархлар бошқариб келади. Бу эса капиталистдан ҳам хавфлироқ қатлам ҳисобланади.
Капиталистлар давлатга ўз капитали орқали босим бериш билан таъсир кўрсатишса, олигархлар давлатни ўз қўлларида ушлаб туриб, ўша давлатнинг пуллари ва сиёсий қувватлари билан давлатга таъсир кўрсатишади. Ҳудди ана шу, Путиннинг ўзи пайдо қилган алигархлари Европа ва АҚШ томонидан қўйиб келинаётган иқтисодий санкциялар ва сиёсий босимлар ортидан кўришаётган зиёнларни кўтаролмай қолишди. Тахлилчиларнинг айтишларича, Кремлдаги муаммонинг асоси шу ердан келиб чиққан. Украинадаги урушнинг таги кўринмаётганидан ташқари, мақсадлари ҳам мубхамлашиб бормоқда. Агар шу тахминлар рост бўлса, Россия урушни Украинадан Кавказга ва балки Ўрта Осиёга ҳам кўчиришга ҳаракат қилади.
Нима бўлган тақдирда ҳам Россия сиёсий элитаси ўртасидан дарз кетди. Буни ҳатто Атамбаев ҳам сезиб қолгандек кўринади. Уни Путин билан учрашувидан аввал Молдовага махфий бориб келиши, энди эса ошкора бир неча йирик давлатларга турне уюштириши, албатта бежиз эмас.
Чунки, Қирғизистон май ойидан Евроосиё иқтисодий иттифоқига қўшилиши ортидан бу ўлкадаги барча давлатлар билан алоқалар ёмонлашиши кутилади.
Демак, Атамбаев халқаро сиёсатда фақат Россия билан бир томонлама ҳамкорлик сиёсати хавфли эканини англаб етган кўринади.
