Туркияда фаол ҳаракат олиб бораётган Ҳизбут таҳрир уюшмасининг аёллар бўлими “Халифаликни қайта тиклаш” ҳафталигида аёлларга хос конференция ташкил қилди. Бурса шаҳрида ташкил қилинган “Халифалик қулаганлиги сабабли таназзулга юз тутган жамиятнинг қайта оёққа туриши фақат Халифалик билангина амалга ошади”, номли конференция Зоҳида Четинбудак ўқиган гўзал тиловат билан бошланди. Халифаликнинг қандай қулатилганлиги ва унинг фарзлиги ҳақида намойиш қилинган ҳужжатли филмдан сўнг Даря Ўзер “Халифалик йўқлигининг ҳасратлари” номли шеърини ўқиб эшиттирди.
Ундан сўнгра сўзга чиққан Ғурбат Арат ўз нутқида Халифаликнинг Ислом оламидаги тутган ўрни, Халифалик йиқилгандан сўнг Мусулмонларнинг қандай хорликларга мубтало бўлганлиги ҳақида сўз юритди. У муслима аёл сифатида сиёсий ва ижтимоий етишмовчиликлар ҳақида ҳам баҳс юритди.
Аратнинг таъкидлашича, Халифаликсиз Ислом ҳукмларини ҳаётда ижро қилишнинг асло имкони йўқ. Шу боис мусулмонлар қаерда бўлишларидан қатъий назар Халифалик давлатини тиклаш учун ҳаракат қилишлари лозимдир.
Хусусан Исломдан узоқ бўлган бир пайтда аёл бўлишнинг нақадар қийин эканлигига урғу берган Арат хоним аёллар бошидан кечираётган ноҳақликлар ва зулмларнинг кундан кунга ортиб бораётганига қарамай, давлатнинг бу соҳада эъборсиз қолаётганини қайд этди.
Мусулмонларнинг аввалги азизлигига қайтарадиган Халифаликнинг янгидан тикланишига умид уйғотиб, ғайрат ва шижоатни яна ҳам кучайишига сабаб бўлган Конференция Зоҳида Четенбудакнинг таъсирли дуоси билан якунланди.
