Туркия ташқи ишлар вазирлигининг сўзчиси Танжу Билгич Сурия мухолифати учун ҳарбий машғулотдан ўтказиш дастури 1 мартдан эътиборан бошланишини маълум қилди.
Танжу Билгич ҳафталик матбуот йиғилишида журналистларнинг ушбу мавзуга алоқадор саволларига жавоб берди.
Ҳарбий машғулот ҳақидаги маълумотга оид саволларга жавоб берган Билгич АҚШ билан ҳарбий машғулот битими имзоланиши ортидан берилган баёнотни тилга олиб, техник маълумотлар ҳақида бирор нарса дея олмаслигини билдирди.
“Сурия мўътадил мухолифатини ҳарбий машғулотдан ўтказиш 1 мартдан эътиборан бошланишини айта олишим мумкин. Аммо техник маълумотлар мавзусида сиз билан ҳеч нарсани ўртоқлаша олмайман”, деди Билгич.
АҚШ мудофаа вазирлиги (Пентагон) март ойида бошланадиган Сурия мухолифатини ҳарбий машғулотдан ўтказишда 1200 суриялик танлаб олинганлигини ва бу одамларни текширувдан ўтказиш жараёни давом этишини билдирди.
Пентагон сўзчиси Жон Кирби ташкил қилган матбуот брифингида “Танлаб олиш қонун-қоидасига кўра, шу онда ҳарбий машғулотга қатнашиш учун 1200 киши белгиланганлигини сизга айтишим мумкин”, “Бу гуруҳларнинг баъзилари ҳақида аниқ маълумотга эга Туркия каби давлатлар бор. Улар бизга танлаб олиш жараёнида ёрдамчи бўлишди”, деди.
Сурия мухолифатини ҳарбий машғулотдан ўтказиш бўйича битим Туркия ташқи ишлар вазирлигининг маслаҳатчиси Феридин Синирлиўғли ва АҚШнинг Анқарадаги элчиси Жон Басс тарафидан имзоланди. Имзо маросимидан сўнг Феридин Синирлиўғли бу ҳаракат икки давлат ўртасида муҳим қадам эканлигини таъкидлади.
“Ҳали яна ўртада кўп имзо чекилади. Қўшни минтақаларда ва дунёнинг турли ерларида ўта тартибсиз вазиятлар юзага келмоқда. Шу боис биргаликда амалга ошираётган фаолиятларимизда ўзгариш ясашимизга ишончимиз комил”, деди Синирлиўғли.
АҚШ элчиси имзо маросимига иштирок этганларга ташаккур билдириб бу қадамни ташлашдан мамнун эканлигини билдирди.
“Биргаликда фаолият олиб борар эканмиз, ҳар замон кучли бўлиб қолаверамиз. Бизга шериклигимизнинг кучайтиришга имкон берган ҳар бир расмий келишув бизни ҳам, минтақамизни ҳам яхши вазиятга олиб келади. Бу фақат бошланғич нуқтаси эканлиги ва ҳали жуда кўп қиладиган ишларимиз борлиги ҳақида сизнинг фикрингизга қўшиламан”, деди АҚШ элчиси.