Президент матбуот хизматининг хабар қилишича, Хавфсизлик кенгаши йиғилишида иштирок этган Қозоғистон президенти Нурсултон Назарбоев, мамлакатда экстремизм ва терроризмга қарши курашни кучайтириш зарурлигини белгилаб ўтди.
Йиғилишда 2014 йилда миллий хавфсизлик стратегиясини амалга оширишда эришилган натижалар, мамлакат Қуролли кучларини мустахкамлаш ва жорий йил учун энг долзарб масалалар мухокама қилинди.
“Давлат раҳбари ўз нутқида белгилаб ўтишича, кўрилаётган чора-тадбирлар миллий манфаатларни етарли даражада таъминлаш имконини бермоқда. Шу билан бирга глобал ва минтақавий жараёнлар оқибатида диний экстремистик, террористик ва иқтисодий кўринишидаги таҳдидлар сақланиб қолмоқда. Қозоғистон президенти бу борада мавжуд аксилтеррор инфратузилмани яхшилаш кераклагини таъкидлаб ўтди”, – дейилади хабарда.
Хусусан, давлат терроризм ва экстремизмга қарши курашиш бўйича ҳуқуқий ва институтсионал механизмларни ишлаб чиқиш, аксилтеррор амалиётлари учун махсус кучларни жиҳозлаш ва уларни тайёргарлигини ошириш бўйича чора-тадбирларни қабул қилади. Фуқароларда экстремистик ғояларга қарши имминутетни шакллантиришда тарғибот ишларига эътибор қаратади. Қабул қилинаётган ҳуқуқий ва профлактик чора-тадбирлар радикал ғояларга эргашувчилар сонини камайтириш имконини беради.
Хабарда айтилишича, “Шунингдек Назарбоев, ҳукумат ва маҳаллий ижроия органларини мамлакатдаги ва асосий савдо ҳамкорлари бозорларидаги вазиятни доимий тахлил қилишлари ва зарур бўлса тегишли чора-тадбирларни қабул қилишлари кераклигига эътибор қаратди. Бундан ташқари, тез ривожланаётган вазиятда ички сиёсий барқарорликни сақлаб қолиш, ижтимоий ва меҳнат можароларини бартараф этишга алоҳида эътибор қаратиш кераклигини, шу билан бирга меҳнат ва иқтисодий низолари бартараф этишда иштирокчилар томонидан қонун устиворлигини таъминлаш муҳимлигини таъкидлаб ўтди”.
Бундан ташқари, Назарбоев Украинадаги вазиятни изга солиш учун Қозоғистон ўз имкониятидаги барча чораларни ишга солади, деди ва бунга эришиш йўлида барча дипломатик ресурслардан фойдаланишини белгилаб ўтди.
Туркистон:
Қозоғистонда, бир неча молиявий кризис холатлари бўлиб ўтди ва хозирда хам унинг асоратлари йўқ эмас. Лекин иқтисодий кризис хавфи энди жиддий кўрина бошланди. Бу Россиянинг устига тушиб келаётган иқтисодий кризисига ва ЕВРОЗЭС ташкилотини ишга тушишига боғлиқ.
Назарбаевнинг аксилтеррор харакатларини кучайтириш амалиётлари. Асосан шу кризис кириб келиш билан, унинг ўз халқи устидаги қалбаки юқори кўтарилган яшаш даражасини энди ушлаб тура олмаслигига боғлиқ. Қозоқ халқининг яшаш даражасининг пасайиши эса, Назарбаевнинг сиёсий рақиб томони учун ўта қулай вазиятлар пайдо қилади. Бу эса призидентлик сайловлари олдидан ўта ноқулай вазиятларга олиб бориши мумкин. Шунинг учун Назарбаев хам яна беъчора Мусулмонларни нишонга олди. Аслида Ислом ва Мусулмонлар томонидан хеч қандай хавф йўқ.
